Champions Trophy: ఛాంపియన్స్ ట్రోఫీలో బౌలర్ల దూల తీర్చే డేంజరస్ ప్లేయర్లు వీరే.. లిస్ట్‌లో మనోళ్లు ఇద్దరు

7 hours ago 1

Champions Trophy 2025: ఛాంపియన్స్ ట్రోఫీ లాంటి కీలక టోర్నమెంట్‌లో, ప్రతి బ్యాట్స్‌మన్ తన బ్యాట్‌తో ఒక ముద్ర వేయాలని కోరుకుంటాడు. అందుకు అనుగుణంగానే ప్రాక్టీస్ చేస్తుంటారు. కానీ, దానికంటే ముందు ఛాంపియన్స్ ట్రోఫీలో ప్రస్తుత ఫామ్ కారణంగా సత్తా చాటగల ఐదుగురు బ్యాట్స్‌మెన్స్ గురించి ఇప్పుడు తెలుసుకుందాం..

Venkata Chari

ఛాంపియన్స్ ట్రోఫీకి కౌంట్‌డౌన్ ప్రారంభమైంది. ఫిబ్రవరి 19 నుంచి జరిగే ఈ ఐసీసీ టోర్నమెంట్ కోసం ఎనిమిది జట్లు తలపడతాయి. వారి ప్రస్తుత ఫామ్ కారణంగా, చాలా మంది బ్యాట్స్‌మెన్స్ ఛాంపియన్స్ ట్రోఫీలో సంచలనం సృష్టించగలరు. ఈ 50 ఓవర్ల ఫార్మాట్‌లో, పరుగులు వేగంగా చేస్తుంటారు. కాబట్టి, ఛాంపియన్స్ ట్రోఫీ ప్రారంభానికి ముందు, సంచలనాలు సృష్టించేందుకు సిద్ధమైన ఐదుగురు బ్యాట్స్‌మెన్‌ల గురించి ఇప్పుడు తెలుసుకుందాం..

2024 సంవత్సరంలో బోర్డర్ గవాస్కర్ ట్రోఫీలో టీమిండియా కెప్టెన్ రోహిత్ శర్మ బ్యాట్ మౌనంగా ఉండిపోయింది. అయితే, ఇంగ్లాండ్‌తో జరిగిన కటక్ వన్డేలో తుఫాన్ సెంచరీ సాధించాడు. దీంతో ప్రత్యర్థి జట్ల బౌలర్లలో భయాన్ని సృష్టించాడు. రోహిత్ బ్యాట్ ఫాంలో ఉన్నప్పుడు ప్రత్యర్థి జట్టుకు ఇబ్బందులు తప్పవు. ఛాంపియన్స్ ట్రోఫీ ప్రారంభానికి ముందే రోహిత్ శర్మ తిరిగి ఫామ్‌లోకి వచ్చాడు. అతను కేవలం 90 బంతుల్లో 119 పరుగులు చేసి రికార్డు స్థాయిలో సెంచరీ ఇన్నింగ్స్ ఆడాడు.

బోర్డర్ గవాస్కర్ ట్రోఫీ సందర్భంగా భారత వన్డే జట్టు వైస్ కెప్టెన్ శుభ్‌మాన్ గిల్ కూడా ఫామ్‌లో ఇబ్బంది పడ్డాడు. కానీ, ఈ స్టార్ బ్యాట్స్‌మన్ ఇంగ్లాండ్‌తో జరిగిన వన్డే సిరీస్‌లోని మొదటి రెండు మ్యాచ్‌ల్లో అర్ధ సెంచరీలు సాధించాడు. తొలి వన్డేలో గిల్ 96 బంతుల్లో 87 పరుగులు చేశాడు. కటక్ వన్డేలో అతను 52 బంతుల్లో 60 పరుగులు చేశాడు.

బోర్డర్ గవాస్కర్ ట్రోఫీలో భారత్‌తో జరిగిన ఐదు మ్యాచ్‌ల్లో తొమ్మిది ఇన్నింగ్స్‌ల్లో ఆస్ట్రేలియా దిగ్గజ బ్యాట్స్‌మన్ స్టీవ్ స్మిత్ రెండు సెంచరీల సహాయంతో 314 పరుగులు చేశాడు. ఇటీవల శ్రీలంకతో జరిగిన రెండు టెస్ట్ మ్యాచ్‌లలో అతను వరుసగా రెండు సెంచరీలు సాధించాడు. స్మిత్ బ్యాట్ పరుగుల వర్షం కురిపిస్తోంది. ఛాంపియన్స్ ట్రోఫీలో అతని ఫామ్ ఇలాగే కొనసాగితే, ప్రత్యర్థి బౌలర్లు ఇబ్బందుల్లో పడటం ఖాయం.

పాకిస్తాన్ ఓపెనింగ్ బ్యాట్స్‌మన్ ఫఖర్ జమాన్ ఫాస్ట్ ఇన్నింగ్స్ గురించి అందరికీ తెలుసు. జనవరిలో ILT20లో డెజర్ట్ వైపర్స్ తరపున ఆడుతూ, అతను MI ఎమిరేట్స్‌పై 67 పరుగులు, షార్జా వారియర్స్‌పై 39 బంతుల్లో అజేయంగా 71 పరుగులు చేశాడు. ఫిబ్రవరి 8న, న్యూజిలాండ్‌తో జరిగిన ట్రై-సిరీస్ మొదటి మ్యాచ్‌లో, అతను 69 బంతుల్లో 84 పరుగులు చేసి ఇన్నింగ్స్ ఆడాడు. పాకిస్తాన్ ఆ మ్యాచ్‌లో ఓడిపోయి ఉండవచ్చు. కానీ, జమాన్ అభిమానుల హృదయాలను గెలుచుకున్నాడు.

బోర్డర్ గవాస్కర్ ట్రోఫీలో ఆస్ట్రేలియా డాషింగ్ బ్యాట్స్‌మన్ ట్రావిస్ హెడ్ అత్యధిక పరుగులు చేసిన ఆటగాడు. భారత్‌తో జరిగిన 5 మ్యాచ్‌ల్లో అతను 448 పరుగులు చేశాడు. ఈ కాలంలో, అతని బ్యాట్ నుంచి వరుసగా రెండు సెంచరీలు (అడిలైడ్, గబ్బా టెస్ట్) వచ్చాయి. శ్రీలంకతో జరిగిన తొలి టెస్ట్ తొలి ఇన్నింగ్స్‌లో అతను కేవలం 40 బంతుల్లోనే 57 పరుగులు చేశాడు. ట్రావిస్ తరచుగా మూడు ఫార్మాట్లలో వేగంగా పరుగులు సాధించడంలో ప్రసిద్ధి చెందాడు. ఛాంపియన్స్ ట్రోఫీలో ఆస్ట్రేలియా జట్టుకు అతను X ఫ్యాక్టర్‌గా నిరూపించుకోగలడు.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article