Chhaava Movie : विकी कौशलच्या 'छावा' ची रिलीज डेट बदलली

पुढारी ऑनलाईन डेस्क : बॉलिवूड अभिनेता विक्की कौशल त्याचा आगामी ऐतिहासिक कालखंडावर आधारित 'छावा' या चित्रपटामुळे चर्चेत आला आहे. या चित्रपटात विक्कीसोबत पुष्पा फेम आणि साऊथ अभिनेत्री रश्मिका मंदानाही झळकणार आहे. विक्कीने पहिल्यांदाच या भूमिकेसाठी जोरदार तयारी केली आहे. या चित्रपटात तो मुख्य छत्रपती संभाजी महाराजांची भूमिका साकारणार आहे. चित्रपटाचा धमाकेदार टीझर आधीच रिलीज झाला असून तो चाहत्यांना खूपच पसंतीस उतरला आहे. याच दरम्यान आता चित्रपटाच्या रिलीज डेटविषयी मोठी अपडेट समोर आली आहे.