3 hours ago
1
ఓ వైపు పాన్ ఇండియా సినిమాలు బాక్సాఫీస్‌ను రూల్‌ చేస్తుంటే.. మరో వైపు మంచి కంటెంట్‌తో వస్తున్న చిన్న సినిమాలు కూడా ఘన విజయాలు సాధిస్తున్నాయి. అందుకే ఇప్పుడు బడా బ్యానర్లు కూడా అలాంటి సినిమాల మీదే దృష్టి పెడుతున్నాయి. దీంతో పెద్ద బ్యానర్లలో వస్తున్న చిన్న సినిమాల సంఖ్య భారీగా కనిపిస్తోంది.
Updated on: Oct 21, 2024 | 1:15 PM
వరుసగా బిగ్ హిట్స్ ఇస్తున్న సితార ఎంటర్‌టైన్మెంట్స్ ఓ చిన్న సినిమాను ప్రకటించింది. ప్రస్తుతం విజయ్ దేవరకొండ హీరోగా పీరియాడిక్‌ మూవీ రూపొందిస్తున్న గౌతమ్ తిన్ననూరి దర్శకత్వంలో మ్యాజిక్‌ అనే యూత్‌ ఫుల్‌ ఎంటర్‌టైనర్ చేయబోతున్నట్టుగా ప్రకటించింది. మ్యాడ్‌ 2 కూడా ఈ బ్యానర్‌లోనే రానుంది. ఈ బ్యానర్‌లో గతంలో మ్యాడ్‌, టిల్లు స్క్వేర్‌ లాంటి చాలా చిన్న సినిమాలు ఘన విజయం సాధించాయి.
1 / 5
స్టార్ ప్రొడ్యూసర్‌ దిల్ రాజు కూడా చిన్న సినిమాల విషయంలో స్పెషల్‌గా కాన్సన్‌ట్రేట్ చేస్తున్నారు. కేవలం చిన్న సినిమాల కోసం దిల్ రాజు ప్రొడక్షన్స్‌ పేరుతో కొత్త బ్యానర్‌ స్టార్ట్ చేసి బలగం, లవ్‌ మీ.. లాంటి లో బడ్జెట్ సినిమాలను రూపొందించారు.
2 / 5
భారీ బడ్జెట్ సినిమాలకు కేరాఫ్ లాంటి మైత్రీ మూవీ మేకర్స్ కూడా ఈ మధ్య మత్తు వదలరా 2 లాంటి చిన్న సినిమాతో బిగ్ హిట్ అందుకుంది. ఇందులో శ్రీసింహ, సత్య, ఫారియా అబ్దుల్లా ప్రధాన పాత్రధారులుగా నటిస్తున్నారు.
3 / 5
టాప్‌ స్టార్స్‌తో బిగ్ బడ్జెట్ మూవీస్ చేసిన యూవీ క్రియేషన్స్‌ కూడా కంటెంట్‌ డ్రివెన్ స్టోరీస్ మీద దృష్టి పెడుతోంది. అందుకే వి సెల్యూలాయిడ్స్ పేరుతో మరో బ్యానర్‌ స్టార్ట్ చేసి గామి, ఓం భీమ్‌ బుష్‌, మా నాన్న సూపర్ హీరో లాంటి ప్రయోగాలు చేస్తోంది.
4 / 5
భారీ చిత్రాల నిర్మాణ సంస్థ గీతా ఆర్ట్స్ చాలా కాలంగా చిన్న సినిమాకు తన వంతు సాయం చేస్తోంది. గీతా ఆర్ట్స్ 2 బ్యానర్‌లో ఎన్నో బ్లాక్ బస్టర్స్ సినిమాలను ఆడియన్స్‌ ముందుకు తీసుకువచ్చింది. రీసెంట్‌గా ఆయ్‌ సినిమాతో ఆకట్టుకున్న ఈ సంస్థ మరిన్ని సినిమాలు ఆ బ్యానర్‌లో చేసేందుకు రెడీ అవుతోంది.
5 / 5
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·