ఆర్ఆర్ఆర్ లాంటి బ్లాక్ బస్టర్ తర్వాత యంగ్ టైగర్ ఎన్టీఆర్ నటించిన సినిమా దేవర. ఎన్టీఆర్ కు గతంలో జనతా గ్యారేజ్ లాంటి బ్లాక్ బస్టర్ ను అందించిన కొరటాల శివ ఈ సినిమాకు దర్శకత్వం వహించారు. దివంగత నటి శ్రీదేవి గారాల పట్టి జాన్వీ కపూర్ ఈ సినిమాతోనే టాలీవుడ్ లోకి ఎంట్రీ ఇచ్చింది. అలాగే బాలీవుడ్ స్టార్ సైఫ్ అలీ ఖాన్ ఇందులో విలన్ గా నటించాడు. దసరా కానుకగా సెప్టెంబర్ 27న విడుదలైన దేవర టాలీవుడ్ రికార్డులు తిరగరాసింది. తెలుగుతో పాటు అన్ని భాషల్లోనూ భారీ కలెక్షన్లు సాధించింది. ఇప్పటివరకు దేవర సినిమా రూ.500 కోట్లకు పైగానే వసూళ్లు రాబట్టింది. ఇప్పటికీ చాలా చోట్ల ఈ మూవీ థియేటర్లలో ప్రదర్శితమవుతోంది. అదే సమయంలో ఓటీటీ ఆడియెన్స్ కూడా దేవర సినిమా కోసం ఆసక్తిగా ఎదురుచూస్తున్నారు. ఈ నేపథ్యంలో ఎన్టీఆర్ సినిమా ఓటీటీ రిలీజ్ గురించి సామాజిక మాధ్యమల్లో ఒక ఇంట్రెస్టింగ్ న్యూస్ వినిపిస్తోంది. త్వరలోనే ఈ బ్లాక్ బస్టర్ మూవీ డిజిటల్ స్ట్రీమింగ్ కు రానున్నట్లు టాక్ వినిపిస్తోంది. ప్రముఖ ఓటీటీ సంస్థ నెట్ఫ్లిక్స్ దేవర సినిమా డిజిటల్ స్ట్రీమింగ్ రైట్స్ను కొనుగోలు చేసింది. ఈ నేపథ్యంలో నవంబర్ 8 నుంచి లేదా నవంబర్ 10 నుంచి ఎన్టీఆర్ సినిమా స్ట్రీమింగ్ కు తీసుకు రానుందని సమాచారం. తెలుగుతో పాటు హిందీ, కన్నడ, మలయాళ, తమిళ్ భాషల్లోనూ ఒకేసారి దేవర మూవీ స్ట్రీమింగ్ కు రానుందని తెలుస్తోంది. త్వరలోనే దీనిపై అధికారిక ప్రకటన వెలువడనుందని సమాచారం.
ఇవి కూడా చదవండి
యువసుధ ఆర్ట్స్ , ఎన్టీఆర్ ఆర్ట్స్ బ్యానర్లపై సుధాకర్ మిక్కిలినేని , కొసరాజు హరికృష్ణ దేవర సినిమాను నిర్మించారు. ప్రకాష్ రాజ్, శ్రీకాంత్ మేకా, శ్రుతి మరాటే, షైన్ టామ్ చాకో, మురళీ శర్మ, నరేన్, కలైయరసన్, చైత్ర రాయ్ , అభిమన్యు సింగ్ తదితరులు ఈ సినిమాలో ప్రధాన పాత్రలు పోషించారు. అనిరుధ్ అందించిన పాటలు చార్ట్ బస్టర్ గా నిలిస్తే బీజీఎమ్ సినిమాను నెక్ట్స్ లెవెల్ కు తీసుకెళ్లింది. ఇక దేవరలో అద్భుతమైన విజువల్స్ కూడా ఉన్నాయి. మొత్తానికి థియేటర్లలో బ్లాక్ బస్టర్ గా నిలిచిన దేవర త్వరలోనే ఓటీటీలో రికార్డుల వేటకు రెడీ అవుతోంది.\
నవంబర్ 8 నుంచి ఓటీటీలో దేవర..
#DevaraOTT Update!#Devara acceptable to watercourse connected #Netflix from November 8 With a #BoxOffice postulation of ₹506 Cr & counting, it’s a monolithic success#JrNTR #NTR #JanhviKapoor #ManOfMassesNTR #BlockbusterDevara #Hyderabad #GameChanger pic.twitter.com/irSsp3vDpF
— Kunal Mondal Film Producer (@k89467324) October 14, 2024
మరిన్ని సినిమా వార్తల కోసం ఇక్కడ క్లిక్ చేయండి.