Diabetic Diet: భోజనానికి ముందు ఈ పండు తింటే రక్తంలో చక్కెరకు చెక్‌ పెట్టొచ్చు..! గుండెకు కూడా మంచిది..!!

1 hour ago 1

Star effect wellness benefits: స్టార్‌ ఫ్రూట్‌.. ప్రస్తుతం చాలా మందికి ఈ పండు పరిచయమే.! ఎందుకంటే.. మార్కెట్లో అనేక రకాల పండ్లతో పాటు స్టార్‌ఫ్రూట్‌ కూడా అందుబాటులో ఉంటుంది. కనుకే మీలో చాలా మంది దీన్ని తినే ఉంటారు. వీటిలో పండిన పండ్లు పసుపురంగులోకి మారి తియ్యగా ఉంటాయి. పచ్చి పండ్లు పచ్చ రంగులో, పుల్లగా ఉంటాయి. ఈ కాయల ఆకృతిని బట్టి వీటిని స్టార్‌ ఫ్రూట్‌గా పిలుస్తున్నారు. స్టార్‌ ఫ్రూట్‌ ఎక్కువగా ఉష్ణమండల దేశాలలో ఎక్కువగా పండిస్తారు. ఆగ్నేయాసియా, దక్షిణ పసిఫిక్‌, తూర్పు ఆసియాలోని కొన్ని ప్రాంతాల్లో వీటిని ఎక్కువగా పండిస్తున్నారు. అయితే, ఈ స్టార్‌ ఫ్రూట్‌ మన డైట్‌లో చేర్చుకుంటే.. ఎలాంటి ప్రయోజనాలు ఉంటాయో చాలా మందికి తెలియకపోవచ్చు.. అవేంటో ఇక్కడ తెలుసుకుందాం..

Jyothi Gadda

స్టార్‌ ఫ్రూట్‌ కూడా పోషకాలు గని అని చెప్పొచ్చు. ఈ పండులో విటమిన్‌ సి, బి2, బి6, బి9 విటమిన్లు, ఫైబర్‌, పొటాషియం, జింక్‌, ఐరన్‌, కాల్షియం, సోడియం, ఫోలేట్, కాపర్‌, మెగ్నీషియం వంటి పోషకాలు పుష్కలంగా ఉంటాయి. ఈ పోషకాలన్నీ మన ఆరోగ్యానికి ఎంతో మేలు చేస్తాయి.

నక్షత్ర ఆకారంలో కనిపించే స్టార్‌ఫ్రూట్‌ జ్యూసీ జ్యుసీగా ఉంటుంది. బాగా పండిన పండ్లు పసుపురంగులోకి మారి తియ్యగా ఉంటాయి. పచ్చి పండ్లు పుల్లగా ఉంటాయి. ఈ పండులో ఎక్కువ శాతం ఫైబర్, తక్కువ కేలరీలను కలిగి ఉంటుంది. ఫైబర్ జీర్ణవ్యవస్థకు మంచిది. స్టార్ ఫ్రూట్స్ శరీరంలో కొలెస్ట్రాల్‌ పెరిగిపోకుండా అదుపులో ఉంచుతుంది. అంతేకాదు రక్తంలో పేరుకున్న కొవ్వును కూడా తొలగిస్తుంది.

పోషకాలతో నిండిన స్టార్‌ఫ్రూట్‌.. తక్కువ కేలరీలు కలిగి ఉండి, బరువు తగ్గడానికి దోహదం చేస్తుంది. జీవక్రియను పెంచుతుంది. శరీరంలోని ఎక్కువ కేలరీలను బర్న్ చేయడంలో సహాయపడుతుంది. సోడియం, పొటాషియం, ఇతర ఖనిజాలతో సమృద్ధిగా ఉన్న స్టార్‌ఫ్రూట్స్ రక్తపోటును నియంత్రించడంలో సహాయపడుతుంది.

స్టార్ ఫ్రూట్‌లో విటమిన్ సితో పాటు, యాంటీఆక్సిడెంట్ కంటెంట్ మెండుగా ఉంటుంది. ఈ కాంబినేషన్ ఇమ్యూనిటీని బూస్ట్‌ చేస్తుంది. ఈ పండులో మెగ్నీషియం, ఐరన్, జింక్, మాంగనీస్, పొటాషియం, ఫాస్పరస్ పుష్కలంగా ఉంటాయి. ఇవి ఆనారోగ్యాలు రాకుండా రక్షిస్తాయి.

ఇది పేగు ఆరోగ్యాన్ని మెరుగుపరుస్తుంది. మలబద్ధకంతో బాధపడేవారికి.. ఔషధంలా పనిచేస్తుంది. స్టార్‌ ఫ్రూట్‌లో విటమిన్‌ బి మెండుగా ఉంటుంది. ఇది ఎముకలు, కండరాల పనితీరు, అభివృద్ధికి కీలకమైన పోషకం. ఇది జీవక్రియను నియంత్రిస్తుంది. హార్మోన్‌, ఎంజైమ్‌ స్థాయిలను సాధారణ పరిధిలో ఉండేలా చూసుకుంటుంది.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article