Gold Silver Rate Today 26 November 2024 : सोने-चांदीचा ग्राहकांना दिलासा, भाव इतका उतरला, अशा आहेत किंमती

2 hours ago 1

सराफा बाजारात सोन्याने गेल्या आठवड्यात कहर केला. सोने तब्बल 3 हजार रुपयांनी महागले तर चांदी 2,500 रुपयांनी वधारली. सोन्याने एक दिवस पण पण विश्रांती घेतली नाही. भाव सतत वाढले. तर चांदीत सुरुवातीला वाढ झाल्यावर नंतर चांदीच्या किंमतीत नरमाई आली. या सोमवारी दोन्ही धातुच्या किंमतीत घसरण झाली. लग्नसराईच्या हंगामात ग्राहकांना थोडा का असेना दिलासा मिळाला. जागतिक बाजारातील घडामोडींचा परिणाम दोन्ही धातुच्या किंमतींवर दिसत आहे. सोने आणि चांदीचा आता असा आहे भाव (Gold Silver Price Today 26 November 2024 )

सोन्याचा भाव उतरला

गेल्या आठवड्यात सोन्याच्या किंमतीत मोठी वाढ झाली. एक आठवड्यापूर्वी सोने 1300 रुपयांनी स्वस्त झाले होते. तर गेल्या आठवड्यात त्यात तीन हजारांची वाढ झाली. तर या आठवड्याच्या सुरुवातीला सोने 110 रुपयांनी उतरले. तर आज सकाळी सुद्धा सोन्यात घसरणीचे संकेत मिळत आहे. गुडरिटर्न्सनुसार, आता 22 कॅरेट सोने 72,150 रुपये प्रति 10 ग्रॅम तर 24 कॅरेट सोन्याचा भाव 78,700 रुपये प्रति 10 ग्रॅम आहे.

हे सुद्धा वाचा

चांदी 2500 रुपयांनी वधारली

गेल्या आठवड्यात सुरुवातीला चांदीने 2500 रुपयांची झेप घेतली त्यानंतर चांदीत नरमाई आली. या सोमवारी ग्राहकांना दिलासा मिळाला. 500 रुपयांनी किंमती घसरल्या. आज सकाळच्या सत्रात चांदीत घसरणीचे संकेत मिळत आहे. गुडरिटर्न्सनुसार, एक किलो चांदीचा भाव 91,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 77,081, 23 कॅरेट 76,772, 22 कॅरेट सोने 70,606 रुपयांवर आहे. 18 कॅरेट आता 57,811 रुपये, 14 कॅरेट सोने 45,092 रुपये प्रति 10 ग्रॅमवर आहे. एक किलो चांदीचा भाव 89,445 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article