Hindu Puja: పండగలు, వ్రతాల సమయంలోనే కాదు నెలలో ఈ ఐదు రోజులు కూడా ఉల్లి, వెల్లుల్లి తినొద్దు ఎందుకంటే..

2 hours ago 1

హిందూ మతంలో ఉల్లిపాయలను, వెల్లుల్లిని తామసిక ఆహారం అంటారు. ముఖ్యమైన పండగలు, పూజ సమయంలో వెల్లుల్లి, ఉల్లిపాయలు తినడం నిషేధం. సనాతన ధర్మంలోని విశ్వాసాల ప్రకారం పండగల సమయంలో, వ్రతాలు, పూజల సమయంలో మాత్రమే కాదు నెలలో 5 రోజులు వెల్లుల్లి, ఉల్లిపాయలు లేదా తామసిక ఆహారాన్ని తీసుకోవడం నిషేధం..

Surya Kala

ఉల్లిపాయలను, వెల్లుల్లిని దాదాపు ప్రతి ఇంట్లో ఉపయోగిస్తారు. అయితే హిందూ ఆహార తత్వశాస్త్రంలో ఈ వెల్లుల్లి, ఉల్లిపాయలను తామసిక ఆహారంగా వర్గీకరించారు. మనస్సులో అజ్ఞానాన్ని, అంధకారాన్ని పెంచుతాయని .. వీటిని తినడం వలన శృంగార కోరికలను పెంచుతాయని చెబుతుంటారు. వీటిని రజోగుణాలు కలిగిన ఆహారంగా భావిస్తారు. అంటే విపరీతమైన కోరికలను కలిగిస్తాయని అర్ధం. అందుకనే హిందూ మత విశ్వాసాల ప్రకారం పూజ సమయంలో లేదా వివిధ వ్రతాలూ, శుభకార్యాల సమయంలో వెల్లుల్లి , ఉల్లిపాయలను తినడం నిషేధించబడింది. వెల్లుల్లి, ఉల్లిపాయలు రాహు మరియు కేతువులకు సంబంధించినవి. ఉపవాసం లేదా పూజ సమయంలో తామసిక ఆహారాన్ని తినరు. తామసిక ఆహారాన్ని తినడం వల్ల పూజ చేసిన ఫలితం దక్కదు అని నమ్మకం.

సనాతన ధర్మం నమ్మకాల ప్రకారం కొంత మంది అసలు ఉల్లి, వెల్లుల్లిని తమ జీవితంలో అసలు తినరు. అయితే ఎక్కువ మంది ఉపవాసం, పూజలు చేసిన పూర్తి ఫలితాలు పొందాలని భావించి పూజలు, వ్రతాలు చేసిన సమయంలో ఉల్లిని వేల్లుల్ని తినరు. అయితే ఈ సమయంలో మాత్రమే కాదు నెలలో 5 రోజులు వెల్లుల్లి, ఉల్లిపాయలను తినకుండా ఉండాలని చెబుతారు. అవును నెలలో 5 రోజులు వెల్లుల్లి , ఉల్లిపాయలను తినడం నిషేధించబడింది. అటువంటి పరిస్థితిలో వెల్లుల్లి, ఉల్లిపాయలకు దూరంగా ఉండవలసిన 5 రోజులు ఏమిటో తెలుసుకుందాం.

అమావాస్య తిధి పూర్వీకులకు సంబంధించినది. ఈ రోజున పూర్వీకులను ప్రసన్నం చేసుకోవడానికి, వారి ఆశీర్వాదం కోసం దానాలు చేస్తారు. అటువంటి పరిస్థితిలో అమావాస్య రోజున వెల్లుల్లి, ఉల్లిపాయలు తినకూడదు. ఈ రోజున పూర్వీకులను తలచుకుని వారి అనుగ్రహం కోసం వారికి ఇష్టమైన వస్తువులను సిద్ధం చేసి, సాయంత్రం దక్షిణ దిశలో నూనె దీపం వెలిగించాలి.

ప్రతి నెల పౌర్ణమి రోజు ప్రత్యేకంగా పరిగణించబడుతుంది. పౌర్ణమి తిధి లక్ష్మీ దేవి సోదరుడిగా పరిగణించబడే చంద్రునికి సంబంధించినది. ఈ రోజు పొరపాటున కూడా వెల్లుల్లి, ఉల్లిపాయలు తినకూడదు.

ప్రతి నెలా రెండుసార్లు ఏకాదశి తిధి వస్తుంది. ఈ ఏకాదశి రోజున విష్ణువుని పూజిస్తారు వ్రతాన్ని ఆచరిస్తారు. ఏకాదశి ఉపవాసం విష్ణువుకు అంకితం చేయబడింది. ఈ రోజున వెల్లుల్లి, ఉల్లిపాయలు అస్సలు తినకూడదు. అంతేకాదు ఏకాదశి రోజున తామసిక ఆహారాన్ని కూడా తినొద్దు.

చతుర్థి లేదా చవితి తిథి నెలలో రెండు సార్లు వస్తుంది. ఈ తిధి రోజున వినాయకుడిని పూజిస్తారు. అందుకే ఈ రోజు ఇంట్లో ఉల్లి, వెల్లుల్లి అస్సలు వాడకూడదు.

ప్రదోష వ్రతాన్ని ప్రతి నెల త్రయోదశి రోజున పాటిస్తారు. ఇది శివుని ఆరాధనకు అంకితం చేయబడింది. ప్రజలు ఈ రోజున ఉపవాసం ఉండి శివుడిని పూజిస్తారు. కనుక ఈ రోజున వెల్లుల్లి, ఉల్లిపాయలు తినకూడదు.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article