ICICI Credit Card: ఐసీఐసీఐ బ్యాంకు క్రెడిట్‌కార్డులో కొత్త నిబంధనలు.. ఇక బాదుడే.. బాదుడు..!

2 hours ago 1

ICICI Credit Card: మీరు కూడా ఐసీఐసీఐ బ్యాంక్ క్రెడిట్ కార్డ్‌ని ఉపయోగిస్తుంటే, ఈ వార్త మీ కోసమే. బ్యాంక్ క్రెడిట్ కార్డ్‌లకు సంబంధించిన నిబంధనలను మార్చింది. ఇందులో ఫైనాన్స్ ఛార్జీలు, లేట్‌ పేమెంట్‌ ఛార్జీలు, యుటిలిటీ లావాదేవీలు, ఇంధన లావాదేవీలు వంటి నియమాలు ఉన్నాయి. ఈ నిబంధనలు నవంబర్‌ 15 నుంచి అమల్లోకి వచ్చాయి. క్రెడిట్ కార్డ్‌లకు సంబంధించిన కొత్త నియమాలు ఏమిటో తెలుసుకుందాం.

ఆర్థిక ఛార్జ్:

ఐసిఐసిఐ బ్యాంక్ క్రెడిట్ కార్డ్ నిబంధనలలో ఫైనాన్స్ ఛార్జీలు మార్చింది. అడ్వాన్స్‌లో డబ్బును ఉపసంహరించుకుంటే నెల, సంవత్సరానికి అనుగుణంగా వేర్వేరు వడ్డీని చెల్లించాలి. బ్యాంక్ ఓవర్ డ్యూపై నెలవారీ వడ్డీని 3.75 శాతం, 45 శాతంగా నిర్ణయించింది. అదే సమయంలో ముందుగానే విత్‌డ్రా చేసిన డబ్బుపై అదే వడ్డీని చెల్లించాల్సి ఉంటుంది.

ఆలస్య చెల్లింపు ఛార్జీలు:

అదే సమయంలో ఆలస్య చెల్లింపు ఛార్జీలకు సంబంధించి కూడా మార్పులు చేసింది బ్యాంకు. ఇందులో రూ. 101 నుండి 500 వరకు బకాయి ఉంటే రూ. 100 ఆలస్య చెల్లింపు ఛార్జీగా, రూ. 501 నుండి 1000 వరకు బకాయి ఉంటే చెల్లించాల్సి ఉంటుంది. ఆలస్య చెల్లింపు ఛార్జీగా రూ. 500 చెల్లించాలి.

ఇవి కూడా చదవండి

ఎంత బకాయిపై ఎంత ఛార్జీలు:

రూ. 100 వరకు – ఎలాంటి ఛార్జీ లేదు.
రూ.101 నుంచి రూ.500 వరకు రూ.100 ఛార్జీ
రూ.501 నుంచి రూ.1000 వరకు రూ.500 ఛార్జీ
రూ.1001 నుంచి రూ.5000 వరకు రూ.600 ఛార్జీ
రూ.5001 నుంచి రూ.10,000 వరకు రూ.750 ఛార్జీ
రూ.10,001 నుంచి రూ.25000 వరకు రూ.900 ఛార్జీ
రూ.25001 నుంచి రూ.50,000 వరకు రూ.1,100
రూ.50,000లకుపైన బకాయి ఉంటే రూ.1300 వరకు ఛార్జీ విధించనున్నారు.

విద్యా లావాదేవీ:

బ్యాంకు క్రెడిట్ కార్డుల ద్వారా పాఠశాల, కళాశాల సంబంధిత చెల్లింపులు చేయడంపై ఎటువంటి ఛార్జీలు విధించరు. అయితే, థర్డ్ పార్టీ యాప్ ద్వారా చెల్లింపు చేస్తే, 1 శాతం లావాదేవీ రుసుము చెల్లించాల్సి ఉంటుంది.

యుటిలిటీ, బీమా:

యుటిలిటీ బిల్లులు, బీమాపై మీరు రివార్డ్ పాయింట్‌లను సంపాదించవచ్చు. ఇంతకు ముందు దీని కోసం రూ.80,000 వరకు వెచ్చించాల్సి ఉండగా, ఇప్పుడు రూ.40,000 వెచ్చించడం ద్వారా రివార్డ్ పాయింట్లు లభిస్తాయి.

కిరాణా:

కిరాణా, డిపార్ట్‌మెంటల్ స్టోర్‌లలో కొనుగోళ్లపై రివార్డ్ పాయింట్‌లు అందుబాటులో ఉంటాయి. ఇంతకు ముందు రూ.40,000 ఖర్చు చేస్తే పాయింట్ అందుబాటులో ఉండేది. కానీ ఇప్పుడు మీరు ప్రతి నెలా రూ. 20,000 ఖర్చు చేస్తే అది లభిస్తుంది.

ఇంధన సర్ఛార్జ్:

ఇప్పుడు ఇంధన సర్‌ఛార్జ్ మాఫీ పరిమితిని నెలకు రూ. 50,000 నుండి రూ. 1,00,000కి పెంచారు. మీరు ఇంతకంటే ఎక్కువ ఖర్చు చేస్తే, మీకు ఇంధన సర్‌ఛార్జ్‌పై మినహాయింపు లభించదు.

మరిన్ని బిజినెస్ వార్తల కోసం ఇక్కడ క్లిక్ చేయండి

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article