IND vs AUS: 3 మ్యాచ్‌ల్లో 452 పరుగులు.. టీమిండియా టెన్షన్ పెంచిన లెఫ్ట్ హ్యాండర్..

2 hours ago 1

India vs Australia Test: నవంబర్ 22 నుంచి ప్రారంభం కానున్న బోర్డర్-గవాస్కర్ టెస్టు సిరీస్ కోసం భారత్, ఆస్ట్రేలియా జట్లు సిద్ధమవుతున్నాయి. ఈ సిరీస్‌లో విజయం సాధించేందుకు ఆస్ట్రేలియా విరాట్ కోహ్లీ, యశస్వి జైస్వాల్, రిషబ్ పంత్‌లను టార్గెట్ చేస్తుందనడంలో సందేహం లేదు. స్టీవ్ స్మిత్, ట్రావిస్ హెడ్, మార్నస్ లాబుషాగ్నేల వికెట్లు టీమిండియాకు కీలకం. ఈ మూడు వికెట్లు తీయాలని గొప్ప ప్లాన్ వేసిన టీమిండియాకు ఇప్పుడు అలెక్స్ కారీ ఫామ్ కొత్త ఆందోళన కలిగించింది. ఎందుకంటే, క్యారీ అద్భుతమైన ఫామ్‌లో ఉన్నాడు. మిడిల్ ఆర్డర్‌లో ఆస్ట్రేలియాకు పిల్లర్‌గా నిలిచే అవకాశం ఉంది.

రెండు నెలల క్రితమే ఇంగ్లండ్ పర్యటనలో వన్డే సిరీస్‌లో మంచి ప్రదర్శన కనబరిచిన కారీ.. ఇప్పుడు ఆస్ట్రేలియా దేశవాళీ ఫస్ట్‌క్లాస్ టోర్నీ షెఫీల్డ్ షీల్డ్‌లో బ్యాటింగ్‌ను కొనసాగించాడు. బోర్డర్-గవాస్కర్ టెస్ట్ సిరీస్‌కు సన్నాహకంగా దక్షిణ ఆస్ట్రేలియా తరపున కారీ కేవలం 3 మ్యాచ్‌లు, 6 ఇన్నింగ్స్‌లలో 90 సగటుతో 452 పరుగులు చేశాడు.

ఈసారి, అలెక్స్ కారీ కూడా బ్యాట్‌తో 2 గొప్ప సెంచరీలు సాధించాడు. అలాగే, 6 ఇన్నింగ్స్‌ల్లో వరుసగా 90, 111, 42, 123*, 44, 42 పరుగులు చేశాడు. అలెక్స్ కారీ గత ఆరు ఇన్నింగ్స్‌ల్లో 40కి తక్కువ స్కోరు చేయకపోవడం విశేషం.

ఇవి కూడా చదవండి

ఈ అద్భుతమైన ఫామ్ టీమిండియాకు డేంజరస్‌గా మారనుంది. ఎందుకంటే, భారత్‌తో జరిగే మ్యాచ్‌లో అలెక్స్ కారీ వికెట్ కీపర్‌గా నిలవడం ఖాయం. టాప్ ఆర్డర్‌లో ఉస్మాన్ ఖవాజా, స్టీవ్ స్మిత్, మార్నస్ లాబుషాగ్నే, ట్రావిస్ హెడ్‌లు ఉండగా, ఫామ్‌లో ఉన్న కారీ ఇప్పుడు మిడిల్ ఆర్డర్‌లో బ్యాటింగ్ చేయనున్నాడు.

అలెక్స్ కారీ ఈ గొప్ప ఫామ్ ఇప్పుడు ఆస్ట్రేలియా జట్టు మిడిల్ ఆర్డర్ ఆందోళనలను తొలగించింది. ఎందుకంటే, ఒకవైపు కారే క్రీజులోకొస్తే.. పాట్ కమిన్స్ సహా బౌలర్లు కూడా లోయర్ ఆర్డర్‌లో సపోర్ట్ చేస్తాడు. పరిస్థితులకు అనుగుణంగా బ్యాట్ ఝుళిపించగల సత్తా ఉన్న కారీ.. వేగంగా బ్యాటింగ్ చేయడంలోనూ పేరు తెచ్చుకున్నాడు. తద్వారా ఎలాంటి పరిస్థితుల్లోనైనా మ్యాచ్ టెంపోను మార్చగల ఆటగాడు.

అందుకే, అలెక్స్ కారీ అద్భుతమైన ఫామ్‌తో ఆస్ట్రేలియా జట్టు పుల్ హ్యాపీగా ఉంది. అయితే, మరోవైపు స్టార్ ప్లేయర్ల కోసం పక్కా ప్లాన్ వేసిన టీమిండియా.. ఇప్పుడు అలెక్స్ కారీని కట్టడి చేసేందుకు ప్రత్యేక ప్లాన్ వేసుకోవాల్సి వచ్చింది.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article