IND vs NZ : 6 चौकार आणि 3 षटकार, सर्फराज खानचा अर्धशतकी तडाखा, विराटसोबत जोरदार फटकेबाजी

2 hours ago 1

टीम इंडियाने न्यूझीलंड विरूद्धच्या पहिल्या कसोटीतील पहिल्या डावात नाक कापलं. रोहितसेनेचा पहिला डाव हा अवघ्या 46 धावांवर आटोपला. त्यानंतर तिसऱ्या दिवशी न्यूझीलंडने रचीन रवींद्र आणि टीम साऊथी या जोडीने 8 व्या विकेटसाठी 137 धावांची भागीदारी केली. न्यूझीलंडने या जोरावर पहिल्या डावात ऑलआऊट 402 मजल मारली. त्यामुळे न्यूझीलंडने टीम इंडिया विरुद्ध पहिल्या डावात 356 धावांची भक्कम आघाडी घेतली. त्यानंतर प्रत्युत्तरात टीम इंडियाने आश्वासक सुरुवात केली.

कॅप्टन रोहित शर्मा आणि यशस्वी जयस्वाल या दोघांनी 72 धावांची सलामी भागीदारी केली. मात्र त्यानंतर यशस्वी मोठा फटका मारण्याच्या नादात स्टंपिंग आऊट झाला. यशस्वीने 32 धावा केल्या. यशस्वीनंतर काही धावा करुन रोहितही माघारी परतला. रोहितने 52 धावा केल्या. मात्र त्यानंतर सर्फराज खान आणि विराट कोहली या दोघांनी न्यूझीलंडवर वरचढ होऊन फटकेबाजी केली. एका बाजूने विराटने हल्लाबोल केला तर दुसऱ्या बाजूने सर्फराजने टॉप गिअरमध्ये फटकेबाजी केली. सर्फराजने संधी मिळेल तसे फटके मारले आणि एकेरी-दुहेरी धावा घेत अर्धशतक पूर्ण केलं.

सर्फराजने अवघ्या 42 चेंडूत 6 चौकार आणि 3 षटकारांच्या मदतीने आणि 119.05 च्या स्ट्राईक रेटने अर्धशतक ठोकलं. सर्फराजच्या कसोटी कारकीर्दीतील हे चौथं अर्धशतक ठरलं. टीम इंडियाला आता सर्फराजकडून शतकी खेळी अपेक्षित आहे. तसेच टीम इंडियाची स्थिती पाहता विराट आणि सर्फराज या जोडीकडून मोठ्या भागीदारीची अपेक्षा आहे. आता विराट-सर्फराज न्यूझीलंडच्या गोलंदाजांचा कसा सामना करतात? याकडे साऱ्यांचंच लक्ष असणार आहे.

सर्फराज खानचं वनडे स्टाईल अर्धशतक

FIFTY!

Sarfaraz Khan with a changeable filled half-century.

His 4th successful Test cricket 👏👏

Live – https://t.co/FS97LlvDjY… #INDvNZ @IDFCFIRSTBank pic.twitter.com/gMrP3ZEflC

— BCCI (@BCCI) October 18, 2024

टीम इंडिया प्लेइंग ईलेव्हन : रोहित शर्मा (कर्णधार), यशस्वी जयस्वाल, केएल राहुल, विराट कोहली, सर्फराज खान, ऋषभ पंत (विकेटकीपर), रवींद्र जडेजा, रवीचंद्रन अश्विन, कुलदीप यादव, जसप्रीत बुमराह आणि मोहम्मद सिराज.

न्यूझीलंड प्लेइंग ईलेव्हन : टॉम लॅथम (कॅप्टन), डेव्हॉन कॉनवे, विल यंग, रचीन रवींद्र, डॅरिल मिचेल, टॉम ब्लंडेल (विकेटकीपर), ग्लेन फिलिप्स, मॅट हेन्री, टीम साउथी, एजाझ पटेल आणि विल्यम ओरूर्के.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article