Maghi Ganeshotsav – कणकवलीतील जामसंडेमध्ये माघी गणेश जयंती उत्सव, श्रींचे धुमधडाक्यात आगमन

2 hours ago 1

देवगड-माघी गणेश जयंती उत्सवानिमित्त तालुक्यात श्रींचे आगमन मोठ्या धुमधडाक्यात होत आहे. यावेळी जामसंडे सन्मित्र मंडळच्या गणरायाचे आगमन ढोल ताशाच्या गजरात करण्यात आले.

जामसंडे सन्मित्र मंडळ जामसंडे आयोजित सार्वजनिक माघी गणेशोत्सव 1 फेब्रुवारी ते 5 फेब्रुवारी या कालावधीत संपन्न होत आहे. या निमित्ताने विविध सांस्कृतिक कार्यक्रमांचे आयोजन करण्यात आले आहे. 31 जानेवारी सायंकाळी 4 वाजता श्रींचे आगमन लेझीम ढोल ताशाच्या गजरात करण्यात आले. पाच दिवस होणाऱ्या कार्यक्रमाची रुपरेषा पुढीलप्रमाणे असेल.

1 फेब्रुवारी 2025 – सकाळी 9.30 वाजता प्रतिष्ठापना व 11.30 वाजता श्रींची आरती होईल. तसेच सायंकाळी 7 वाजता स्थानिक भजने आणि त्यानंतर आरती होईल.

2 फेब्रुवारी 2025 – श्रींची आरती, स्थानिक भजने, सायंकाळी 4 वाजता गणपती अथर्वशीर्ष सहस्त्र आवर्तने, रात्री 9 वाजता दाभोळे राऊतवाडी यांचे वारकरी दिंडी भजन होईल.

3 फेब्रुवारी 2025 – रविवारी श्रींची आरती, स्थानिक भजने आणि रात्री 9 वाजता कलाप्रेमी कराओके सिंगिंग क्लब ऑफ देवगड यांचा सुमधुर गायनाचा कार्यक्रम होणार आहे.

4 फेब्रुवारी 2025 – सकाळी 9 वाजता श्री सत्यनारायणाची महापूजा, 11 वाजता आरती, 11.30 वाजता तीर्थप्रसाद व हळदीकुंकू, सायंकाळी 7 वाजता स्थानिक भजने व आरती आणि रात्री 9 वाजता विविध गुणदर्शन कार्यक्रम पार पडणार आहेत.

5 फेब्रुवारी 2025 – सकाळी 11 वाजता आरती, सायंकाळी चार वाजता आरती, सायंकाळी 5 वाजता विसर्जन मिरवणूक काढण्यात येणार आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article