Mosquito Repellents: మీ ఇంట్లో దోమల నివారణ కోసం ఇవి వాడుతున్నారా? యమ డేంజర్‌!

Electric Mosquito Repellents: దోమలను తరిమికొట్టేందుకు చాలా ఇళ్లలో మస్కిటో రిపెల్లెంట్లను ఉపయోగిస్తారు. అయితే ఇది మీ ఆరోగ్యానికి మంచిదా? అని మీరు ఎప్పుడైనా ఆలోచించారా? డెంగ్యూ లేదా చికున్‌గున్యా వంటి ప్రాణాంతక వ్యాధులు ప్రబలించే దోమల నుంచి మనల్ని రక్షిస్తాయి.

1 / 6

దోమల నివారణ మందులు దోమలను తరిమికొట్టడానికి సహాయపడతాయని, అయితే అవి కొన్ని అనారోగ్య సమస్యలను కూడా కలిగిస్తాయని నిపుణులు చెబుతున్నారు. ఎందుకంటే అందులో ఉండే ద్రవంలో రసాయనాలు ఉంటాయి. అదే ఆరోగ్య సమస్యకు కారణం.

2 / 6

ట్రాన్స్‌ఫ్లూత్రిన్, బ్యూటిలేటెడ్ హైడ్రాక్సీటోల్యూన్, సిట్రోనెలోల్, డైమెథైలోక్టాడైన్, వాసన లేని పారాఫిన్ (96 శాతం w/v) అనేక సుగంధ సమ్మేళనాలు (బెంజైల్ అసిటల్) దోమలను తరిమికట్టేందుకు, చంపేందుకు తయారు చేయడానికి ఉపయోగిస్తారు.

3 / 6

ఈ లిక్విడ్ సొల్యూషన్స్‌కు గురికావడం వల్ల వణుకు, ఆందోళన, తుమ్ములు, శ్వాస తీసుకోవడంలో ఇబ్బంది, చర్మానికి అలర్జీలు, జలుబు, దగ్గు తదితర సమస్యలు వస్తాయని ఆరోగ్య నిపుణులు అంటున్నారు. అలాగే, ఈ పదార్థాలు కేటగిరీ-2 క్యాన్సర్ కారకాలని చెబుతున్నారు. ఇది క్యాన్సర్ పెరుగుదలకు కారణమవుతుంది.

4 / 6

ఇది పిల్లలలో రోగనిరోధక వ్యవస్థను, పిండం అభివృద్ధి చెందుతున్న మెదడును తీవ్రంగా ప్రభావితం చేస్తుంది. మనుషులే కాకుండా కుక్కలను కూడా ఇవి ప్రభావితం చేస్తాయి. ఇది చర్మ సున్నితత్వం, శ్వాసకోశ సమస్యలను కలిగించే సుగంధ సమ్మేళనాలను కలిగి ఉంటుంది. ఇది తలనొప్పి, ఏకాగ్రత కష్టతరం చేస్తుంది.

5 / 6

అలాగే కిటికీలు, తలుపులు మూసి ఉన్న ఇంటిలో వాటిని ఉపయోగించడం మరింత ప్రమాదకరంగా మారవచ్చు. గర్భిణులు, నవజాత శిశువులు, చిన్న పిల్లలు, వృద్ధులు, పెంపుడు జంతువులు వారికి దూరంగా ఉండటం ముఖ్యం.

6 / 6