Most Hat Tricks: అంతర్జాతీయ ఫుట్‌బాల్‌ చరిత్రలో అత్యధికంగా హ్యాట్రిక్స్ సాధించిన ఐదుగురు.. లిస్టులో దిగ్గజ ప్లేయర్

2 hours ago 1

Most Hat Tricks: అంతర్జాతీయ ఫుట్‌బాల్ అత్యంత ప్రతిష్టాత్మకమైన ఈవెంట్‌లలో ఒకటిగా పేరుగాంచింది. క్రికెట్‌లోనే కాదు.. ఫుట్‌బాల్ గేమ్‌లోనూ ప్రతీ క్రీడాకారుడు జాతీయ జెర్సీని ధరించి దేశానికి ప్రాతినిధ్యం వహించాలని కోరుకుంటుంటారు. అంతర్జాతీయ స్థాయిలో అద్భుత ప్రదర్శన చేయాలని కోరుకుంటారు. చాలా మంది ఆటగాళ్ళు క్లబ్ స్థాయిలోనూ.. దేశం తరపున గుర్తింపు పొందాలని ఆశిస్తుంటారు. దేశం కోసం ఒక్క గోల్ అయినా సాధించాలని ప్రయత్నిస్తుంటారు. అయితే, కొద్దిమంది మాత్రమే అంతర్జాతీయ వేదికపై నిలకడగా రాణిస్తుంటారు. ఈ క్రమంలో పురుషుల అంతర్జాతీయ ఫుట్‌బాల్‌లో హ్యాట్రిక్‌లతో అరుదైన ఘనత సాధించిన ఐదుగురు ఆటగాళ్లను ఓసారి చూద్దాం..

5. పీలే – 7 హ్యాట్రిక్‌లు: బ్రెజిల్, శాంటోస్ రెండింటి తరపున అద్భుతమైన ప్రదర్శనలతో పీలే ఖ్యాతి గడించాడు. 1958లో బ్రెజిల్‌కు మొట్టమొదటి ప్రపంచ కప్ టైటిల్‌ అందించాడు. ఈసమయంలో ఆయన వయసు కేవలం 18 సంవత్సరాలు మాత్రమే. అతను ఫైనల్‌లో కూడా స్కోర్ చేశాడు. ప్రపంచ కప్ ప్రధాన ఈవెంట్‌లో స్కోర్ చేసిన మొదటి యువకుడిగా నిలిచాడు. బ్రెజిల్ తరపున 92 మ్యాచ్‌లలో 77 గోల్స్ చేశాడు. తద్వారా అత్యధిక ప్రపంచ కప్ టైటిల్‌లను కలిగి ఉన్న జట్టుకు ఆల్-టైమ్ లీడింగ్ స్కోరర్‌గా నిలిచాడు. దీంతో పాటు అంతర్జాతీయ వేదికలపై ఏడు హ్యాట్రిక్‌లు నమోదు చేశాడు.

4. అలీ డేయ్ – 8 హ్యాట్రిక్‌లు: ఇరానియన్ లెజెండ్ అలీ దాయి ఆసియా ఫుట్‌బాల్ సర్టిఫైడ్ లెజెండ్‌గా పేరుగాంచాడు. అతను క్లబ్ స్థాయిలో హెర్తా బెర్లిన్, బేయర్న్ మ్యూనిచ్ కోసం ఆడాడు. ఇరాన్ జాతీయ జట్టుతో ఆడే సమయంలోనే లెజెండరీ హోదా పొందాడు. అలీ డేయ్ తన దేశం కోసం మొత్తం 149 మ్యాచ్‌లు ఆడి, 109 గోల్స్ చేశాడు. ఇందులో మొత్తం 8 హ్యాట్రిక్స్ సాధించాడు.

3. స్వెన్ రైడెల్ – 9 హ్యాట్రిక్‌లు: స్వీడిష్ ఫుట్‌బాల్ దిగ్గజాలలో ఒకరైన స్వెన్ రైడెల్ జాబితాలో మూడవ స్థానంలో ఉన్నాడు. అతను తన అంతర్జాతీయ ఫుట్‌బాల్ కెరీర్‌లో 43 మ్యాచ్‌లలో 49 గోల్స్ చేశాడు. ఈ 49 గోల్స్‌లో అతను తొమ్మిది హ్యాట్రిక్‌లు సాధించడం విశేషం.

2. క్రిస్టియానో రొనాల్డో – 10 హ్యాట్రిక్‌లు: క్రిస్టియానో రొనాల్డో లేకుండా గోల్స్, రికార్డుల గురించి చర్చించడం అంటే కష్టమే. పోర్చుగీస్ గోల్ మెషిన్ పురుషుల అంతర్జాతీయ ఫుట్‌బాల్‌లో అత్యధిక హ్యాట్రిక్‌లు సాధించిన రికార్డును బుధవారం లియోనెల్ మెస్సీ అతనితో సమం చేశాడు. 39 ఏళ్ల రొనాల్డో అంతర్జాతీయ ఫుట్‌బాల్ (133), ఫుట్‌బాల్ చరిత్రలో (906) అత్యధిక గోల్స్ చేసిన ఆటగాడిగా నిలిచాడు. అతను తన కెరీర్‌లో తన దేశం కోసం 10 అంతర్జాతీయ హ్యాట్రిక్‌లతో సహా అద్భుతమైన 58 హ్యాట్రిక్‌లు సాధించాడు.

పోర్చుగల్ తరపున క్రిస్టియానో రొనాల్డో చేసిన 10 హ్యాట్రిక్‌లు అంతర్జాతీయ ఫుట్‌బాల్‌లో అత్యధిక హ్యాట్రిక్‌లు సాధించిన ఆటగాళ్ల జాబితాలో అతనిని అగ్రస్థానంలో ఉంచాయి. అక్టోబరు 12, 2021న లక్సెంబర్గ్‌పై 10వ హ్యాట్రిక్ సాధించిన తర్వాత స్వెన్ రైడెల్ పేరిట ఉన్న మునుపటి రికార్డును బద్దలు కొట్టాడు. ఈ విజయంతో, అతను అంతర్జాతీయ హ్యాట్రిక్‌లలో రెండంకెల స్థాయికి చేరుకున్న మొదటి ఫుట్‌బాల్ ఆటగాడిగా నిలిచాడు.

1. లియోనెల్ మెస్సీ – 10 హ్యాట్రిక్‌లు: అర్జెంటీనా స్టార్ లియోనెల్ మెస్సీ అంతర్జాతీయ ఫుట్‌బాల్ చరిత్రలో సంయుక్తంగా అత్యధిక హ్యాట్రిక్‌లు సాధించాడు. 37 ఏళ్ల అతను గెలవాల్సినవన్నీ మరియు మరెన్నో గెలిచాడు. మెస్సీ తన కెరీర్‌లో అర్జెంటీనా తరఫున 10 హ్యాట్రిక్‌లతో సహా 58 హ్యాట్రిక్‌లు సాధించాడు.

మెస్సీ తన కెరీర్‌లో క్లబ్‌తోపాటు, దేశం కోసం మొత్తం 846 గోల్స్ చేశాడు. ఆరు యూరోపియన్ గోల్డెన్ షూలను గెలుచుకున్న చరిత్రలో మొదటి, ఏకైక ఆటగాడు కూడా. రికార్డు స్థాయిలో 45 ట్రోఫీలు కూడా సాధించాడు.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article