Movie News: లక్కీ భాస్కర్ సక్సెస్ మీట్.. బాలయ్య మూవీ అప్‌డేట్..

దుల్కర్ సల్మాన్, మీనాక్షి చౌదరి జంటగా వెంకీ అట్లూరి తెరకెక్కించిన సినిమా లక్కీ భాస్కర్. ఈ సినిమాకు అద్భుతమైన వసూళ్ళు వస్తున్నాయి. ఫస్ట్ వీకెండ్ దాదాపు 40 కోట్ల వరకు వసూలు చేసింది లక్కీ భాస్కర్. కేవలం తెలుగు మాత్రమే కాదు.. మిగిలిన చోట్ల కూడా ఈ సినిమాకు మంచి వసూళ్ళే వస్తున్నాయి. అందుకే సక్సెస్ మీట్ ఏర్పాటు చేసారు దర్శక నిర్మాతలు.

1 / 5

శివకార్తికేయన్, సాయి పల్లవి జంటగా రాజ్ కుమార్ పెరియసామి తెరకెక్కించిన ఎమోషనల్ యాక్షన్ డ్రామా అమరన్. ఈ సినిమా ఫస్ట్ వీకెండ్ కలెక్షన్లు రికార్డు స్థాయిలో ఉన్నాయి. ముఖ్యంగా తెలుగులోనూ మూడు రోజుల్లోనే 13 కోట్ల వరకు గ్రాస్.. 7 కోట్ల షేర్ వసూలు చేసింది అమరన్. మరోవైపు ప్రపంచ వ్యాప్తంగా 3 డేస్‌లోనే 100 కోట్లు వసూలు చేసింది అమరన్. డే 6కి వచ్చేసరికి 155 కోట్లకు చేరుకుంది.

2 / 5

విప్లవ్, అశ్విని, మెహబూబ్ పాషా ప్రధాన పాత్రలో విప్లవ్ దర్శక నిర్మాతగా తెరకెక్కిస్తున్న సినిమా ఈ సారైనా..! తాజాగా ఈ చిత్ర ప్రెస్ మీట్ జరిగింది. పూర్తిగా గ్రామీణ నేపథ్యంలో తెరకెక్కుతున్న సినిమా ఇది. కచ్చితంగా తమ సినిమా ప్రేక్షకులను అలరిస్తుందని నమ్మకంగా చెప్తున్నారు మేకర్స్.

3 / 5

సూర్య హీరోగా నటిస్తున్న కంగువా సినిమా నవంబర్ 14న విడుదల కానుంది. పాన్ ఇండియా స్థాయిలో ఘనంగా విడుదల కానుంది ఈ చిత్రం. ఈ నేపథ్యంలోనే ఆంధ్రప్రదేశ్, తెలంగాణ, కర్ణాటక, కేరళలో మొదటి రోజు ఉదయం 4 గంటలకు కంగువా షోస్ ప్రారంభమవుతాయని చిత్ర నిర్మాతలు ప్రకటించారు. తమిళనాడులో మాత్రం షో టైమ్‌ కోసం అనుమతులు కోరుతున్నారు నిర్మాతలు. ఈ చిత్రంలో దిశా పటాని కథానాయికగా నటిస్తుండగా.. బాబీ డియోల్ విలన్‌గా నటిస్తున్నారు.

4 / 5

నందమూరి బాలకృష్ణ, బాబీ కాంబినేషన్‌లో తెరకెక్కుతున్న సినిమా షూటింగ్ వేగంగా జరుగుతుంది. సంక్రాంతికి ఈ చిత్రం విడుదల కానుంది. తాజాగా క్లైమాక్స్ చిత్రీకరణకు సంబంధించిన అప్‌డేట్ వచ్చింది. ఈ సినిమా క్లైమాక్స్ పూర్తైన తర్వాత.. డబ్బింగ్ చెప్పనున్నారు బాలయ్య. ఆ తర్వాత అఖండ 2 వైపు వెళ్ళనున్నారు.

5 / 5