Pune fire news – घोरपडे पेठेत भीषण आग; 5 घरं, दुकान जळून खाक, सुदैवाने जीवितहानी नाही

1 hour ago 1

गुरुवारी पहाटे पुण्यातील घोरपडे पेठेत अग्नितांडव पहायला मिळाला. पहाटे साडे तीनच्या सुमारास पंचहौद टॉवरजवळील जोशी वाड्यात भीषण आग लागली. या आगीमध्ये वाड्यातील 5 घरं आणि एक छोटे दुकान जळून खाक झाले आहे.

मिळालेल्या माहितीनुसार, पहाटे 3 वाजून 47 मिनिटांनी जोशी वाड्याला आग लागली. याची माहिती मिळताच अग्निशमन दलाच्या पाच गाड्या आणि दोन पाण्याचे टँकर घटनास्थळी दाखल झाले. अग्निशमन दलाने काही वेळातच आगीवर नियंत्रण मिळवले.

सुदैवाने या आगीमध्ये कोणत्याही जीवितहानीचे वृत्त समोर आलेले नाही. मात्र आगीमध्ये पाच घरं आणि एक छोटे दुकान जळून खाक झाले आहे. आगीचे कारण अद्याप समजू शकलेले नाही, परंतू शॉर्ट सर्किट मुळे ही आग लागली असावी अशी शक्यता वर्तवण्यात येत आहे.

Pune fire news – घोरपडे पेठेत भीषण आग; 5 घरं, दुकान जळून खाक, सुदैवाने जीवितहानी नाही pic.twitter.com/0mgpI0U8Uz

— Saamana (@SaamanaOnline) October 17, 2024

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article