3 hours ago
1
యావత్ ఇండియన్‌ ఫిల్మ్‌ ఇండస్ట్రీ వేయి కళ్లతో ఎదురు చూస్తున్న చిత్రం పుష్ప2. సుకుమార్ దర్శకత్వంలో అల్లు అర్జున్ హీరోగా తెరకెక్కుతోన్న ఈ సినిమాపై ఆకాశన్నంటే అంచనాలు నెలకొన్నాయి. 2021లో వచ్చిన ‘పుష్ప ది రైజ్‌’ మూవీకి సీక్వెల్‌గా తెరకెక్కుతోన్న పుష్ప2: ది రూల్‌ను మరింత ప్రతిష్టాత్మకంగా తెరకెక్కిస్తున్నారు. పార్ట్‌ 1ని మించి ఈ మూవీ ఉండనుందని ఇప్పటికే సుకుమార్ పలుసార్లు తెలిపారు. సినిమాను డిసెంబర్‌ 5వ తేదీన ప్రపంచవ్యాప్తంగా విడుదల చేయనున్నారు.
దాదాపు మూడేళ్లు షూటింగ్‌ జరుపుకున్న ఈ సినిమా విడుదలకు ఇంకా 27 రోజులే మిగిలి ఉంది. సినిమా విడుదల తేదీ దగ్గర పడుతోన్న తరుణంలో చిత్ర యూనిట్ సినిమా ప్రమోషన్స్‌లో వేగాన్ని పెంచింది. ఇందులో భాగంగానే వరుసగా సినిమా అప్‌డేట్స్‌ను ఇస్తూ అంచనాలు పెంచేస్తోంది. ఇక పాన్‌ ఇండియా రేంజ్‌లో విడుదలవుతోన్న ఈ సినిమా ప్రమోషన్స్‌ను కూడా అదే స్థాయిలో చేపట్టనున్నట్లు తెలుస్తోంది.
ప్రమోషన్స్‌లో భాగంగా దేశవ్యాప్తంగా ఉన్న పలు మేజర్‌ సిటీల్లో ఈవెంట్స్‌ను నిర్వహించేందుకు మేకర్స్ ప్లాన్‌ చేస్తున్నట్లు తెలుస్తోంది. రెండు తెలుగు రాష్ట్రాలతోపాటు.. పట్నా, ముంబై, కొచ్చి, చైన్నై, బెంగ‌ళూరు వంటి నగరాల్లో ఈవెంట్స్‌ను నిర్వహించనున్నారని తెలుస్తోంది. ఇక సినిమా దగ్గరపడుతోన్న కొద్దీ పుష్ప ఫీవర్‌ మొదలైంది. ఓవర్‌సీస్‌లో పుష్ప బుకింగ్స్‌ ప్రారంభంకాగా, హాట్‌ కేకుల్లా అమ్ముడుపోతున్నాయి. విడుదలకు ముందే పుష్ప రికార్డులు తిరగరాయడం ఖాయంగా కనిపిస్తోంది.
ఎర్ర చందనం కూలీగా మొదలైన పుష్ప ప్రస్థానం.. సిండికేట్‌కు అధిపతిగా ఎదిగే వరకు చేరుతుంది. ఆ తర్వాత పుష్ప ఎలాంటి ఇబ్బందులు ఎదుర్కొన్నాడు. పోలీస్‌ ఆఫీసర్‌ శిఖావత్‌తో మొదలైన వైరం ఎలాంటి మలుపులు తీసుకుంది. అసలు చివరి ఏమైంది లాంటి ఎన్నో ఆసక్తికరమైన అంశాలు పార్ట్‌ 2లో ఉండనున్నాయి. ఇలాంటి ఎన్నో ఇంట్రెస్టింగ్ విషయాలు సినిమాపై అంచనాలు పెంచేసిందని చెప్పాలి.
కాగా ఈ పుష్ప2లో అల్లు అర్జున్, ర‌ష్మికా మంద‌న్నా జంట‌గా నటిస్తుండగా.. రావు రమేష్, అజ‌య్, డాలీ ధ‌నుంజ‌య, ఫ‌హాద్ ఫజిల్, అనసూయ, సునీల్‌ త‌దిత‌రులు ఇతర కీలక పాత్రల్లో నటిస్తున్నారు. మరి ఇన్ని అంచనాల నడుమ విడుదలవుతోన్న ఈ సినిమా బాక్సాఫీస్‌ వద్ద ఎలాంటి వండర్స్‌ క్రియేట్‌ చేస్తుందో చూడాలి.
మరిన్ని సినిమా వార్తల కోసం క్లిక్ చేయండి..
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·