Salman Khan Case:- बॉलिवूडचा दबंग सलमान खानच्या घरावर गोळीबार करणाऱ्या लॉरेन्स बिश्नोई (Lawrence Bishnoi) टोळीचा नेमबाज सुखा याला अटक करण्यात आली आहे. नवी मुंबई (New Mumbai) पोलिसांनी सुखाला हरियाणातील पानिपत येथून अटक केली आहे. मुंबईतील वांद्रे येथे सलमान खानच्या घराबाहेर गोळीबार झाला होता, त्यानंतर पोलीस शूटरचा शोध घेत होते.
वांद्रे येथे सलमान खानच्या घराबाहेर गोळीबार
मुंबई पोलिसांनी स्थानिक पोलिसांच्या मदतीने सुखाला पानिपत सेक्टर 29 येथून अटक केली आहे. कनाग गावात राहणाऱ्या सुखा रेलवर सलमान खानच्या घरावर गोळीबार केल्याचा आरोप आहे. सुखाला आज नवी मुंबई येथील न्यायालयात हजर करण्यात येणार असल्याचे पोलिसांनी सांगितले. जून महिन्यात पोलिसांनी दावा केला होता की, सलमान खानला त्याच्या नवी मुंबईतील पनवेल येथील फार्म हाऊसजवळ टार्गेट करण्याची तयारी होती, आम्ही त्याचा पर्दाफाश केला आहे. यापूर्वी एप्रिल महिन्यात वांद्रे येथील सलमान खानच्या घराबाहेर गोळीबार (Firing) झाला होता. त्यानंतर पोलिसांनी या संपूर्ण कटाचा पर्दाफाश केला.
सलमानला सातत्याने धमक्या येत आहेत
लक्षात घेण्यासारखे आहे की 2002 मध्ये सलमान खानच्या इमारतीजवळ एक धमकीचे पत्र सापडले होते. तर मार्च 2023 मध्ये समलान खानला लॉरेन्स बिश्नोई टोळीने ईमेलद्वारे धमकी दिली होती. याची माहिती सलमान खानने पोलिसांना दिली होती.
60-70 लोक सलमानला फॉलो करत आहेत
पोलिसांनी दिलेल्या माहितीनुसार, लॉरेन्स बिश्नोई आणि संपत नेहरा टोळीने सलमान खानवर लक्ष ठेवण्यासाठी 60-70 लोक तैनात केले होते, जे सलमान खानच्या प्रत्येक हालचालीवर लक्ष ठेवून होते. ही टोळी सलमान खानचे घर, फार्म हाऊस आणि तो शूटिंगसाठी कुठेही गेला तरी त्याची रेकी करत असे.