Salman Khan: ‘నా కొడుకు బొద్దింకకు కూడా హాని తలపెట్టడు.. క్షమాపణ చెప్పే ప్రసక్తే లేదు’: సల్మాన్ తండ్రి

2 hours ago 1

సినిమాల పరంగా కాకుండా వేరే విషయాలతో ఈ మధ్య కాలంలో బాగా వార్తల్లో నిలుస్తున్నాడు సల్మాన్ ఖాన్. ముఖ్యంగా లారెన్స్ బిష్ణోయ్ నుంచి తరచూ అతనికి బెదిరింపులు వస్తున్నాయి. కృష్ణ జింకలను వేటాడాడానే కోపంతో బిష్ణోయ్ గ్యాంగ్ సల్మాన్ పై ప్రతీకారేచ్ఛతో రగిలిపోతోంది. ఈ విషయంలో బాలీవుడ్ నటుడు క్షమాపణ చెప్పాలని బిష్ణోయ్ గ్యాంగ్ డిమాండ్ చేస్తోంది. ఈ నేపథ్యంలో సల్మాన్ ఖాన్ తండ్రి సలీం ఖాన్ చేసిన వ్యాఖ్యలు చర్చనీయాంశంగా మారాయి. బిష్ణోయ్ వర్గం కృష్ణ జింకలను దేవతలతో సమానంగా ఆరాధిస్తోంది. ఈనేపథ్యంలోనే సల్మాన్ కృష్ణ జింకలను వేటాడడంతో అతనిపై కోపంతో రగిలిపోతున్నాడు లారెన్స్ బిష్ణోయ్. జైల్లో నే ఉంటూ స్టార్ హీరోకు వరుసగా బెదిరింపు సందేశాలు పంపుతున్నాడు. సల్మాన్‌ ఖాన్‌ని వచ్చి తన గుడికి క్షమాపణ చెప్పాలని లారెన్స్‌ బిష్ణోయ్ గ్యాంగ్ ఇటీవల డిమాండ్ చేసింది. అయితే సల్మాన్ కృష్ణ జింకలను కాదు కదా బొద్దింకకు కూడా హాని చేయలేదంటున్నాడు సల్మాన్ తండ్రి సలీం ఖాన్.

‘సల్మాన్ ఖాన్ నాకు ఎప్పుడూ అబద్ధం చెప్పలేదు. జంతువులను వేటాడటం సల్మాన్‌కు ఇష్టం ఉండదు. అతనికి జంతువులంటే చాలా ఇష్టం. నా కొడుకు ఎలాంటి తప్పు చేయలేదు’ అని సలీంఖాన్ చెప్పుకొచ్చారు. సల్మాన్ ఖాన్ క్షమాపణ చెప్పాలని బిష్ణోయ్ గ్యాంగ్ అంటోంది. దీనిపై సలీం ఖాన్ మాట్లాడుతూ.. ‘క్షమాపణలు చెప్పడం అంటే మేం తప్పును అంగీకరించినట్లే. సల్మాన్ ఖాన్ ఏ జంతువును చంపలేదు. అతను కనీసం బొద్దింకకు కూడా హాని తలపెట్టలేదు. సల్మాన్ ఖాన్ ఎవరికి క్షమాపణలు చెప్పాలి? మీరు ఎంత మందికి క్షమాపణలు చెప్పారు? మీరు ఎన్ని జంతువుల ప్రాణాలను కాపాడారు? నా కొడుకు ఏం తప్పు చేసాడు? మీరు కేసు దర్యాప్తు చేశారా? నే’ అని సలీం ఖాన్ ప్రశ్నించారు.

ఇవి కూడా చదవండి

సికిందర్ సినిమాలో సల్మాన్ ఖాన్..

#Sikandar pic.twitter.com/c2ktnY6EaU

— Salman Khan (@BeingSalmanKhan) September 24, 2024

కాగా సల్మాన్ అత్యంత సన్నిహితుడు బాబా సిద్ధిఖీని లారెన్స్ బిష్ణోయ్ గ్యాంగ్ హత్య చేసింది. దీంతో ఈ నటుడు చాలా డిస్టర్బ్ అయ్యాడు. అయినా బిష్ణోయ్ గ్యాంగ్ బెదిరింపుల మధ్యే ‘సిఖందర్’ షూటింగ్ లో పాల్గొంటున్నాడు సల్మాన్. అలాగే బిగ్ బాస్ షోనూ కంటిన్యూ చేస్తున్నాడు.

బిగ్ బాస్ షోలో సల్మాన్ ఖాన్..

Watch Bigg Boss starting 6th Oct @9pm @ColorsTV pic.twitter.com/J2vrConbgg

— Salman Khan (@BeingSalmanKhan) October 4, 2024

మరిన్ని సినిమా వార్తల కోసం ఇక్కడ క్లిక్ చేయండి.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article