SSMB 29: మహేష్ బాబు, రాజమౌళి సినిమా నుంచి సాలిడ్ అప్డేట్.. ఫ్యాన్స్‌కు పూనకాలే

సూపర్ స్టార్ మహేష్ బాబు నటిస్తున్న లేటెస్ట్ మూవీ SSMB 29 (వర్కింగ్ టైటిల్). దర్శక ధీరుడు రాజమౌళి దర్శకత్వంలో తెరకెక్కుతున్న ఈ సినిమా పై ఇప్పటికే భారీ అంచనాలు నెలకొన్నాయి. ఈ సినిమా కోసం మహేష్ బాబు అభిమానులే కాదు ప్రపంచ వ్యాప్తంగా ఉన్న టాలీవుడ్ లవర్స్ ఈగర్ గా ఎదురుచూస్తున్నారు. ఈసారి మహేష్ బాబుతో ఇండస్ట్రీలో ఉన్న అన్ని రికార్డ్స్ బద్దలు కొట్టాలని చూస్తున్నారు జక్కన్న. ఇప్పటికే ఈ సినిమా పాన్ గ్లోబల్ గా ఉంటుందని అంటున్నారు. అంతే కాదు ఈ సినిమా పై ఇప్పటికే ఎన్నో ఊహాగానాలు కూడా వినిపిస్తున్నాయి. ఆఫ్రికన్ ఫారెస్ట్ నేపథ్యంలో ఈ సినిమా ఉండే అవకాశం ఉందని అంటున్నారు. మహేష్ ఈ సినిమాలో నయా లుక్ లో కనిపించనున్నారు.

ఇదిలా ఉంటే మరో వైపు ఈ సినిమాలో రాజమౌళి రామాయణం టచ్ కూడా ఇవ్వనున్నారని గుసగుసలు వినిపిస్తున్నాయి. ఇదిలా ఉంటే ఈ సినిమాలో గ్లోబల్ బ్యూటీ ప్రియాంక చోప్రా హీరోయిన్ గా నటిస్తుంది. ఇటీవలే మహేష్ సినిమా కోసం ప్రియాంక హైదరాబాద్ లో ల్యాండ్ అయ్యింది. మొదట్లో విదేశీ నటి ఈ సినిమాలో చేస్తుందని టాక్ వినిపించింది. ఆతర్వాత దీపికా పదుకొనె పేరు కూడా తెరపైకి వచ్చింది. రీసెంట్ గా గ్లోబల్ బ్యూటీ ప్రియాంక చోప్రాను ఫిక్స్ చేశారు.

ఇక ఈ సినిమా షూటింగ్ త్వరలోనే ప్రారంభం కానుంది ఇప్పటికే అల్యూమినియం ఫ్యాక్టరీలో వర్క్ షాప్ నడుస్తుంది. ఈ సినిమా రెగ్యులర్ షూటింగ్ వచ్చే నెల నుంచి ప్రారంభం కానుంది. ఈ సినిమా షూటింగ్ కెన్యా అడవుల్లో కూడా చేయనున్నారని సమాచారం. అలాగే ఈ సినిమా కోసం హైదరాబాద్ లో భారీ సెట్స్ కూడా ఏర్పాటు చేస్తున్నారు. తాజాగా రాజమౌళి, ప్రియాంక చోప్రా, కీరవాణి కలిసి దిగిన ఓ ఫోటో  సోషల్ మీడియాలో వైరల్ గా మారింది. ఈ ఫొటోతో ప్రియాంక హీరోయిన్ గా చేస్తుందని ఫిక్స్ అయ్యారు ఫ్యాన్స్. అయితే ఈ ఫోటో ఆర్ఆర్ఆర్ సినిమా యూస్ లో స్క్రీనింగ్ చేసిన సమయంలోది అని తెలుస్తుంది.  కాగా ఈ సినిమాను రెండు భాగాలుగా ప్రేక్షకుల ముందుకు తీసుకురానున్నారు రాజమౌళి. మొదటి భాగం 2027లో విడుదల చేసి, రెండో భాగాన్ని 2029లో విడుదల చేస్తారని టాక్ వినిపిస్తుంది. దీని పై క్లారిటీ రావాల్సి ఉంది.

మరిన్ని సినిమా వార్తల కోసం ఇక్కడ క్లిక్ చేయండి.