Team India: టెస్ట్‌ల్లో అరుదైన ఫీట్.. వార్నర్ రికార్డ్‌ను సమం చేసిన అశ్విన్.. నెక్ట్స్ టార్గెట్ ఆయనే..

Ravichandran Ashwin Five Wicket Haul: బంగ్లాదేశ్‌తో జరుగుతోన్న 2 టెస్టుల సిరీస్‌లో భాగంగా తొలి మ్యాచ్‌లో టీమిండియా 280 పరుగుల తేడాతో ఘన విజయం సాధించింది. ఈ విజయంతో భారత జట్టు సిరీస్‌లో 1-0 ఆధిక్యంలో నిలిచింది. ఇక రెండో మ్యాచ్ సెప్టెంబర్ 27 నుంచి కాన్పూర్‌లోని గ్రీన్ పార్క్ స్టేడియంలో జరగనుంది.

1 / 5

అయితే, ఈ మ్యాచ్‌లో 6 వికెట్లు పడగొట్టిన అశ్విన్ ఓ అద్భుత రికార్డ్‌ను తన ఖాతాలో లిఖించుకున్నాడు. ఈ క్రమంలో ఆస్ట్రేలియా స్టార్ స్పిన్నర్ షేన్ వార్న్‌ రికార్డ్‌ను సమం చేశాడు. దీంతో టెస్ట్ క్రికెట్‌లో 37 సార్లు ఐదు అంతకంటే ఎక్కువ వికెట్లు తీసిని లిస్టులో రవిచంద్రన్ అశ్విన్ చేరాడు.

2 / 5

కాగా, ఈ లిస్టులో శ్రీలంక దిగ్గజం ముత్తయ్య మురళీధరన్ 67 సార్లు ఐదు లేదా అంతకంటే ఎక్కువసార్లు వికెట్లు పడగొట్టి, అగ్రస్థానంలో నిలిచాడు. అయితే, టీమిండియా స్పిన్నర్ అశ్విన్ 191 ఇన్నింగ్స్‌లో ఈ మైలురాయిని చేరుకోవడం గమనార్హం.

3 / 5

అంతకుముందు, అశ్విన్ మొదటి ఇన్నింగ్స్‌లో అద్భుతమైన సెంచరీతో భారత్‌ను క్లిష్ట పరిస్థితుల నుంచి రక్షించాడు. టెస్ట్ ఫార్మాట్‌లో ఆరో సెంచరీ నమోదు చేశాడు. అలాగే, ఒకే టెస్టులో సెంచరీతోపాటు ఐదు వికెట్లు తీసిన అశ్విన్.. 4సార్లు ఇలాంటి ఫీట్‌ను సాధించాడు. దీంతో 5సార్లు ఈ ఫీట్‌ని సాధించిన మాజీ ఇంగ్లండ్ ఆల్-రౌండర్ ఇయాన్ బోథమ్ తర్వాత నిలిచాడు.

4 / 5

ఈ టీమిండియా ఆల్ రౌండర్ 88 పరుగులకు 6 వికెట్లు పడగొట్టాడు. మొదటి టెస్ట్‌లో భారతదేశం 280 పరుగుల ఆధిపత్య విజయాన్ని సాధించడంలో కీలక సహకారం అందించాడు.

5 / 5