Tollywood: చిన్నప్పుడే చంద్రబాబు చేతుల మీదుగా అవార్డు.. ఇప్పుడు టాలీవుడ్ క్రేజీ హీరో.. ఎవరో గుర్తు పట్టారా?

1 day ago 2

చిన్నప్పుడు ఇప్పటి, అప్పటి ముఖ్యమంత్రి చంద్రబాబు నాయుడు చేతుల మీదుగా అవార్డు అందుకుంటోన్న ఈ అబ్బాయిని గుర్తు పట్టారా? ఈ పిల్లాడు ఛైల్డ్ ఆర్టిస్టుగా 40 కు పైగా సినిమాల్లో నటించాడు. పలువురు స్టార్ హీరోలతో స్క్రీన్ షేర్ చేసుకున్నాడు. అప్పట్లోనే తన నటనా ప్రతిభకు ప్రతీకగా బోలెడన్నీ ప్రశంసలు, అవార్డులు అందుకున్నాడు. ముఖ్యంగా ఉత్తమ బాల నటుడిగా రెండు సార్లు నంది పురస్కారం కూడా అందుకున్నాడు. పై ఫొటో కూడా అదే. అప్పట్లోనే తన నటనా ప్రతిభతో అదరగొట్టిన ఆ పిల్లాడు ఇప్పుడు టాలీవుడ్ లో క్రేజీ హీరోగా మారిపోయాడు.ప్రేమకథా చిత్రాలు, కామెడీ సినిమాలతో ఇండస్ట్రీలో తనకంటూ ఓ ప్రత్యేక గుర్తింపు సొంతం చేసుకున్నాడు. అయితే గతంలో కంటే బాగా సినిమాలు తగ్గించాడీ హ్యాండ్సమ్ హీరో. ఈ మధ్యన ఎక్కువగా కాన్సెప్ట్ ఓరియంటెడ్ మూవీస్‌లోనే నటిస్తున్నాడు. అన్నట్లు కేవలం సినిమాల్లోనే కాదు టీవీషోస్, ప్రోగ్రాముల్లోనూ సందడి చేస్తున్నాడీ ట్యాలెంటెడ్ హీరో. ఆ మధ్యన బుల్లితెర ప్రేక్షకుల ఫేవరెట్ టీవీ రియాలిటీ షో అయిన బిగ్ బాస్ తెలుగు లోనూ సందడి చేశాడు. మరి ఈ పిల్లాడెవరో గుర్తు పట్టారా? అతను మరెవరో కాదు గతంలో బాల నటుడిగా మెప్పించి ఇప్పుడు పొలిమేర వంటి డిఫరెంట్ సినిమాలతో అలరిస్తోన్న హీరో బాలాదిత్య. గతంలో అతను ఉత్తమ ఛైల్డ్ ఆర్టిస్టుగా రెండు సార్లు నంది పురస్కారం అందుకున్నాడు. రాజశేఖర్ అన్న సినిమాకు గానూ, లిటిల్ సోల్జర్స్ సినిమాలకు గానూ ఈ ప్రతిష్ఠాత్మక పురస్కారం అందుకున్నాడు బాలా దిత్య.

ఇవి కూడా చదవండి

నవ్వుల కిరిటీ రాజేంద్ర ప్రసాద్ నటించిన ఎదురింటి మొగుడు పక్కింటి పెళ్లాం సినిమాలో మొదటి సారి వెండి తెరపై కనిపించాడు బాలా దిత్య. మొదటి సినిమాలోనే తన క్యూట్ యాక్టింగ్ తో ఆకట్టుకున్నాడు. ఆ తర్వాత రౌడీ గారి పెళ్లాం, అత్తింట్లో అద్దె మొగుడు, జంబలకిడి పంబ, బంగారు బుల్లోడు, అబ్బాయి గారు. ఏవండి ఆవిడ వచ్చింది, హలో బ్రదర్, అన్నా, తీర్పు, సూపర్ పోలీస్, మాతో పెట్టుకోకు, లిటిల్ సోల్జర్స్, సమరసింహారెడ్డి తదితర సినిమాల్లో ఛైల్డ్ ఆర్టిస్టుగా నటించాడు బాలా దిత్య.

ఫ్యామిలీ వెకేషన్ లో బాలాదిత్య..

ఇక 2003 లో చంటిగాడు సినిమాతో హీరోగా ఎంట్రీ ఇచ్చాడు. ఆ తర్వాత సుందరానికి తొందరెక్కువ, రూమ్ మేట్స్, వేట, జాజిమల్లి , 1940లో ఒక గ్రామం తదితర సినిమాల్లో హీరోగా నటించి మెప్పించాడు. కేవలం సిల్వర్ స్క్రీన్ పైనే కాదు కాదు బిగ్ బాస్ తెలుగు సీజన్ 6లోనూ కంటెస్టెంట్ గా మెప్పించాడు బాలాదిత్య. ఇక చివరిగా మా ఊరి పొలిమేర 2 సినిమాలో కానిస్టేబుల్ జంగయ్యగా కనిపించాడు బాలా దిత్య. ప్రస్తుతం కొన్ని టీవీ షోలకు హోస్ట్ గా వ్యవహరిస్తున్నాడీ ట్యాలెంటెడ్ యాక్టర్.

మరిన్ని సినిమా వార్తల కోసం ఇక్కడ క్లిక్ చేయండి

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article