Video: అదే నా కొంప ముంచింది.. ఆ సెర్చ్ హిస్టరీపై సంజూ దోస్త్ షాకింగ్ కామెంట్స్..

2 hours ago 1

భారత యువ క్రికెటర్ రియాన్ పరాగ్ తన సెర్చ్ హిస్టరీ లీక్ వివాదంపై చివరకు స్పందించాడు. ఇండియన్ ప్రీమియర్ లీగ్ (ఐపీఎల్) 2024 ముగిసిన తర్వాత, అతని లైవ్ స్ట్రీమ్ సమయంలో బాలీవుడ్ నటీమణులు అనన్య పాండే, సారా అలీ ఖాన్‌లకు సంబంధించిన సెర్చ్‌లు కనిపించడంతో ఇది పెద్ద చర్చనీయాంశమైంది. ఈ సంఘటన వైరల్ అవ్వడంతో అభిమానులు అతడిని ట్రోల్ చేశారు.

సిటీ1016 రేడియోతో ఇంటర్వ్యూలో మాట్లాడిన పరాగ్, ఈ వివాదం నిజానికి ఐపీఎల్ 2024 కి ముందు జరిగినదని, కానీ అతని అద్భుతమైన ప్రదర్శనతో ఈ అంశం మళ్లీ తెరపైకి వచ్చిందని చెప్పాడు. “నేను చెన్నైలో మా మ్యాచ్ పూర్తయిన తర్వాత నా స్ట్రీమింగ్ బృందంతో డిస్కార్డ్ కాల్‌లో ఉన్నాను. కానీ ఈ సంఘటన ఐపీఎల్‌కు ముందే జరిగింది. నా బృందంలోని ఒకరు నన్ను సెటప్ చేయాలని చూశారు, కానీ అది త్వరగా తగ్గిపోయింది. అయితే, ఐపీఎల్ తర్వాత నా ప్రదర్శన బాగుండటంతో ఇది మళ్లీ వైరల్ అయింది” అని వివరించాడు.

అతను తన స్ట్రీమ్ ముగిసిన తర్వాత తనకే ఆశ్చర్యం కలిగిందని చెప్పాడు. “నిజంగా నేను మ్యూజిక్ కోసం యూట్యూబ్ తెరిచాను, కానీ స్ట్రీమ్ ముగిసిన తర్వాత నేను షాక్ అయ్యాను. కానీ నేను బయటకు వచ్చి దీనికి వివరణ ఇవ్వాల్సిన అవసరం లేదనుకున్నాను” అని హాస్యాస్పదంగా చెప్పాడు.

ఈ వివాదం అతని క్రికెట్ ప్రయాణాన్ని ప్రభావితం చేయలేదని పరాగ్ తెలిపాడు. “అస్సాం నుంచి వచ్చిన నాకు భారతదేశం తరపున ఆడాలని ఎప్పుడూ కల ఉంది. జింబాబ్వేలో నా తొలి మ్యాచ్ ఆడటం చాలా ప్రత్యేకమైన అనుభూతి” అని చెప్పాడు.

పరాగ్ 2024 ఐపీఎల్ సీజన్‌లో 14 ఇన్నింగ్స్‌ల్లో 573 పరుగులు చేసి, రాజస్థాన్ రాయల్స్ తరఫున అత్యధిక స్కోర్ చేసిన ఆటగాడిగా నిలిచాడు. జింబాబ్వేతో టీ20ల్లో, శ్రీలంకతో వన్డేల్లో అరంగేట్రం చేసిన ఈ యువ క్రికెటర్ భుజం గాయంతో దక్షిణాఫ్రికా, ఇంగ్లాండ్ సిరీస్‌లకు దూరమయ్యాడు. ఫలితంగా, ఛాంపియన్స్ ట్రోఫీ 2025 భారత జట్టులో చోటు దక్కించుకోలేకపోయాడు.

అయితే, అతని అద్భుతమైన ప్రదర్శన కారణంగా రాజస్థాన్ రాయల్స్ అతడిని రూ. 14 కోట్లకు రిటైన్ చేసింది. ఇప్పటివరకు 8 టీ20 మ్యాచ్‌లు, 1 వన్డే ఆడిన పరాగ్, భారత జట్టులో తన స్థానాన్ని మరింత బలపర్చుకోవాలని లక్ష్యంగా పెట్టుకున్నాడు.

ఈ వివాదం అతని కెరీర్‌పై ఎలాంటి ప్రభావం చూపించకపోయినా, సోషల్ మీడియాలో మాత్రం ఇది చర్చనీయాంశంగా మారింది. “ఈ విషయంపై నేను అసలు ఆలోచించలేదు. నా దృష్టి అంతా క్రికెట్‌పైనే ఉంది” అని పరాగ్ చివరగా స్పష్టం చేశాడు.

Riyan Parag talking astir his hunt past contention for the archetypal time

(Video Credit-City1016) pic.twitter.com/6PyXMIYHYF

— Rohit Baliyan (@rohit_balyan) February 11, 2025

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article