Video: కారులోనే గొడవ పడిన సెహ్వాగ్, ఆయన భార్య.. విడాకుల వార్తల మధ్య బయటికొచ్చిన వీడియో?

6 hours ago 1

Virender Sehwag and His Wife Aarti Ahlawat: భారత మాజీ ఓపెనర్ వీరేంద్ర సెహ్వాగ్ గత కొన్ని రోజులుగా తన వ్యక్తిగత జీవితానికి సంబంధించి వార్తల్లో నిలుస్తున్నాడు. వీరేంద్ర సెహ్వాగ్, అతని భార్య ఆర్తి అహ్లవత్ మధ్య అంతా బాగా లేదని నివేదికలు చెబుతున్నాయి. వారిద్దరూ కొంతకాలంగా విడివిడిగా జీవిస్తున్నారని, త్వరలో విడాకులు తీసుకోబోతున్నారని కూడా ప్రచారం జరుగుతోంది. అయితే, ఈ విషయంపై ఆ జంట నుంచి ఎటువంటి ప్రకటన రాలేదు. వీటన్నిటి మధ్య, సెహ్వాగ్, ఆర్తి మధ్య జరిగిన ఘర్షణ వీడియో సోషల్ మీడియాలో వైరల్ అవుతోంది.

సెహ్వాగ్, ఆర్తి కారులో గొడవ పడ్డారా?

సోషల్ మీడియాలో వైరల్ అవుతున్న వీడియోలో, వీరేంద్ర సెహ్వాగ్, అతని భార్య ఆర్తి కారులో కూర్చుని కనిపిస్తున్నారు. ఈ సమయంలో, ఇద్దరూ ఒకరితో ఒకరు గొడవ పడుతుండటం చూడొచ్చు. ఇద్దరూ చాలా కోపంగా కనిపిస్తున్నారు. తీవ్రంగా వాదులుకున్నారు. ఈ వైరల్ వీడియో ఆధారంగా నిరంతరం వివిధ రకాల వాదనలు వస్తున్నాయి. ఈ గొడవ వల్లే ఈ జోడీ బంధం చెడిపోయిందని కొంతమంది అభిమానులు భావిస్తున్నారు. కానీ, ఈ వీడియో AI అంటే ఆర్టిఫిషియల్ ఇంటెలిజెన్స్ ద్వారా సృష్టించచారని, దీనిని సోషల్ మీడియాలో విపరీతంగా షేర్ చేస్తున్నారని అంటున్నారు.

ఇవి కూడా చదవండి

సెహ్వాగ్, ఆర్తి చాలా కాలంగా బహిరంగంగా కలిసి కనిపించడం లేదు. ఇద్దరూ సోషల్ మీడియాలో ఒకరినొకరు అన్‌ఫాలో చేసుకున్నారు. ఆ తర్వాత వారి సంబంధం విచ్ఛిన్నమైందని వార్తలు వస్తున్నాయి. ఇదిలా ఉండగా, సెహ్వాగ్, ఆర్తి గ్రే విడాకులు తీసుకుంటారని వార్తలు వస్తున్నాయి. సరళంగా చెప్పాలంటే, భార్యాభర్తలు 40 నుంచి 50 లేదా అంతకంటే ఎక్కువ వయస్సులో విడిపోవాలని నిర్ణయించుకుంటే, దానిని గ్రే విడాకులు అంటారు. గ్రే విడాకుల విషయానికి వస్తే, కోర్టు ఇద్దరి ఆస్తి, భరణం, పదవీ విరమణ ప్రయోజనాలు మొదలైన వాటిని కూడా పరిగణనలోకి తీసుకుంటుంది.

20 సంవత్సరాల వివాహం తర్వాత సంబంధం తెగిపోతుందా?

సెహ్వాగ్, ఆర్తి 22 ఏప్రిల్ 2004న వివాహం చేసుకున్నారు. ఆ తరువాత, ఇద్దరూ ఇద్దరు కుమారులు ఆర్యవీర్ సెహ్వాగ్, వేదాంత్ సెహ్వాగ్‌లకు తల్లిదండ్రులు అయ్యారు. ప్రత్యేకత ఏమిటంటే వారిద్దరూ చిన్నప్పటి నుంచి ఒకరినొకరు తెలుసు. 2002 లో సెహ్వాగ్ ఆర్తిని పెళ్లికి ప్రతిపాదించాడు. ఆర్తి కూడా అతని ప్రతిపాదనను అంగీకరించింది. కానీ, వారి బంధుత్వం కారణంగా రెండు కుటుంబాలు ఈ సంబంధంతో సంతోషంగా లేవు.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article