صنعتی فضلہ موسی ندی میں چھوڑنے کی کوشش، لاری ڈرائیور زیرحراست (ویڈیو وائرل)

حیدرآباد: حیدرآباد میں پولیس نے موسی ندی میں صنعتی فضلہ چھوڑنے کی کوشش پر لاری ڈرائیور کو حراست میں لے لیا اورٹینکرکوضبط کرلیاجس کے ذریعہ صنعتی فضلہ موسی ندی میں ڈالنے کی کوشش کی جارہی تھی۔ لنگر حوض علاقہ میں مقامی افرادنے ایک لاری ڈرائیور کو دیکھا جو مبینہ طور پر ٹینکر سے کیمیکل کے فضلہ کو موسی ندی میں بہانے کی کوشش کر رہا تھا۔

مقامی افرادکے مطابق، بڑا ٹینکر پیر کی رات رام مندر لنگر حوض کے قریب موسی ندی کے کنارے ٹہرایا گیا۔رات کے آخری پہر میں ہائیڈرو کلورک ایسڈ کے ساتھ بڑے ٹینکر کو دیکھ کر مقامی افراد نے ڈرائیور کو پکڑ لیا۔

پوچھ گچھ پر ڈرائیور نے بتایا کہ اس سے کہا گیا تھا کہ وہ کیمیکل کے فضلہ کو موسی میں بہادے۔مقامی افرادنے پولیس کو اطلاع دی جس نے موقع پر پہنچ کر ڈرائیور کو حراست میں لے لیا۔ ٹینکرکو ضبط کرلیا گیا۔

ہمیں فالو کریں