एमएचटी सीईटी परीक्षा 9 एप्रिलपासून ; सीईटी सेलकडून प्रवेश परीक्षांचे संभाव्य वेळापत्रक जाहीर

2 hours ago 2

Published on

28 Nov 2024, 6:37 am

Updated on

28 Nov 2024, 6:37 am

शैक्षणिक वर्ष 2025-26 मध्ये विविध व्यावसायिक अभ्यासक्रमांच्या प्रवेश प्रक्रियेसाठी घेतल्या जाणार्‍या प्रवेश परीक्षांचे (सीईटी) संभाव्य वेळापत्रक राज्य सामाईक प्रवेश परीक्षा कक्षाने (सीईटी सेल) जाहीर केले. अभियांत्रिकी, औषधनिर्माणशास्त्र, कृषी पदवी अभ्यासक्रमांच्या प्रवेशासाठीची एमएचटी-सीईटी 9 ते 27 एप्रिल या कालावधीत घेतली जाणार आहे.

एमएचटी सीईटी या परीक्षेंतर्गत 9 ते 17 एप्रिलदरम्यान भौतिकशास्त्र, रसायनशास्त्र, जीवशास्त्र (पीसीबी) या गटासाठीची, तर 19 एप्रिल ते 27 एप्रिलदरम्यान भौतिकशास्त्र, रसायनशास्त्र आणि गणित (पीसीबी) या गटासाठीची परीक्षा घेतली जाणार आहे. डीपीएन-पीएचएनची सीईटी 8 एप्रिल, परिचारिका (नर्सिंग) ची सीईटी 7 आणि 8 एप्रिल रोजी होणार आहे.

बीबीए, बीबीएम, बीएमएस, बीसीएची सीईटी 1 ते 3 एप्रिल या कालावधीत, डिझाइन पदवी (बी.डिझाइन) ची प्रवेश परीक्षा 29 मार्च रोजी घेतली जाणार आहे. बीए. बीएड, बीएस्सी. बीएस चार वर्षे एकात्मिक अभ्यासक्रम, बीएड. एम.एड तीन वर्षांच्या एकात्मिक अभ्यासक्रम, हॉटेल मॅनेजमेंट पदवी अभ्यासक्रमासाठीची सीईटी 28 मार्च रोजी होणार आहे. शारीरिक शिक्षणशास्त्र पदवी अभ्यासक्रम, हॉटेल मॅनेजमेंट पदव्युत्तर पदवी अभ्यासक्रमासाठीची सीईटी 27 मार्च रोजी, बीएड. (जनरल अँड स्पेशल) बीएड एलसीटीची सीईटी 23 ते 25 मार्च या कालावधीत आयोजित करण्यात येणार आहे. एमसीए अभ्यासक्रमासाठीची सीईटी 23 मार्च, तीन वर्षे मुदतीच्या विधी अभ्यासक्रमासाठीची सीईटी 20 आणि 21 मार्च रोजी, एमबीए एमएमएस सीईटी 17 ते 19 मार्च, शारीरिक शिक्षणशास्त्र पदव्युत्तर पदवी, शिक्षणशास्त्र पदव्युत्तर पदवीची सीईटी 16 मार्च होणार असल्याचे नमूद करण्यात आले आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article