कृष्णा नदी पुलावरून भरधाव कार कोसळली:अपघातात 3  जण जागीच ठार; तिघे गंभीर जखमी, रात्री एक वाजेच्या दरम्यानची घटना

सांगलीच्या अंकली येथील कृष्णा नदी पुलावरून भरधाव गाडी कोसळल्याची धक्कादायक घटना घडली आहे. हा अपघात बुधारी रात्री एकच्या सुमारास घडल्याची माहिती समोर आली आहे. दरम्यान लग्न सोहळा आटपून कोल्हापूरवरुन ​​​​​​​सांगलीकडे येताना गाडीवरील ताबा सुटल्याने गाडी थेट नदीपात्रात कोसळली या भीषण अपघातात तिघांचा मृत्यू झाला. जखमीमध्ये एका 5 वर्षाच्या मुलाचा समावेश आहे. मृतांमध्ये दोन महिला आणि पुरुषाचा समावेश आहे. यातील मृत कुटुंबीय हे सांगलीतल्या कोल्हापूर रोडवरील गंगाधर कॉलनी येथील रहिवासी आहेत. ​​​​ 3 जणांचा मृत्यू तिघे गंभीर जखमी या अपघातात सांगलीच्या पती-पत्नीसह तिघेजण जागीच ठार झाले. पती प्रसाद भालचंद्र खेडेकर, प्रेरणा प्रसाद खेडेकर, वैष्णवी संतोष नार्वेकर (वय 21 रा. आकाशवाणी केंद्र जवळ सांगली) अशी त्यांची नावे आहेत. समरजीत प्रसाद खेडेकर (वय 7), वरद संतोष नार्वेकर (वय 19) व साक्षी संतोष नार्वेकर (वय 42) सर्व रा. सांगली हे गंभीर जखमी झाले आहेत. घटनास्थळी स्थानिक नागरिक व जयसिंगपूर पोलीसांनी धाव घेऊन जखमींना सांगली सिव्हिल रुग्णालयात उपचारासाठी दाखल केले व मृतदेह बाहेर काढण्यात आले. दरम्यान याच ठिकाणाहून आतापर्यंत तीन वेळा चार चाकी वाहने कोसळली आहेत. GPS च्या नादात कार पुलावरुन कोसळली, तिघे ठार दोन दिवसांपूर्वी उत्तर प्रदेशातील खालपूर–दातागंज मार्गावर सकाळी दहाच्या सुमारास हा कार अपघात घडला. या कारमधून हे तरुण बरेलीहून बदायू जिल्ह्यातील दातागंज येथे जात असताना एका बांधकाम अर्धवट असलेल्या पुलावर कार गेली आणि पुल संपल्यानंतर थेट रामगंगा नदीत कार कोसळली. या दुर्घटनेत तीन तरुणाचा मृत्यू झाला.