छगन भुजबळांनी घेतली फडणवीसांची भेट, नेमकी काय चर्चा झाली ?

नाशिक | राज्यात सत्ता स्थापनेला वेग आला असून मंत्रिपदाची सेटींग लावण्यासाठी आमदार वरिष्ठ नेत्यांच्या गाठीभेटी घेऊ लागले आहेत. त्यातच आता भाजपचे पारडे जड असल्याने सगळी सूत्र माजी मुख्यमंत्री देवेंद्र फडणवीस यांच्या हाती आहेत. देवेंद्र फडणवीस मुख्यमंत्री होण्याची शक्यता अधिक आहे. त्यामुळे भाजपसह महायुतीतील घटक पक्षातील निवडून आलेले आमदार देवेंद्र फडणवीसांच्या भेटीला जाताना दिसत आहेत.

छगन भुजबळ यांनीही माजी मुख्यमंत्री देवेंद्र फडणवीस यांची त्यांच्या मुंबई येथील निवासस्थानी भेट घेतली. विधानसभा निवडणुकांमध्ये महायुतीला मिळालेल्या दमदार यशाबद्दल भुजबळांनी फडणविसांचे अभिनंदन केले. तसेच यावेळी विविध विषयांवर चर्चा झाल्याची माहिती भुजबळ यांनी फेसबुक पोस्ट करुन दिली आहे.