मुलांत आठरे स्कूल, मुलींमध्ये श्री साई इंग्लिश मीडियम स्कूल विजेते:स्टेअर्स फाउंडेशन व क्रीडा कार्यालयातर्फे शहरात आंतर शालेय फुटबॉल स्पर्धा

शहरातील वाडियापार्क क्रीडा संकुलात स्टेअर्स फाउंडेशन व अहिल्यानगर जिल्हा क्रीडा कार्यालय यांच्या संयुक्त विद्यमाने आंतर शालेय फुटबॉल स्पर्धा पार पडली. १४ व १७ वर्षे वयोगटात मुलांच्या आठरे पाटील स्कूल संघाने विजेतेपद पटकावून चॅम्पियन चषकावर नाव कोरले. १७ वर्षांखालील मुलींच्या श्रीसाई इंग्लिश मीडियम स्कूल संघाने विजेतेपद मिळवले. मुलांच्या १४ वर्षे वयोगटात आठरे पाटील पब्लिक स्कूल विरुध्द आर्मी स्कूल (एसी सेंटर) यांच्यात अंतिम सामना झाला. त्यात अशोक चंद याच्या गोलमुळे आठरे पाटील स्कूलने १-० गोलने विजयी झाला. १७ वर्षे वयोगटात अंतिम सामना आठरे पाटील पब्लिक स्कूल विरुध्द आर्मी स्कूल (एसी सेंटर) यांच्यात झाला. पहिल्या हाफमध्ये एकही गोल झाला नाही. दुसऱ्या हाफमध्ये आर्मी स्कूलच्या वेदांत वाघने गोल करुन आघाडी घेतली. शेवटच्या क्षणी आठरे पाटील स्कूलच्या भानू चंद याने गोल करुन बरोबरी साधली. सामना टाय ब्रेकरवर गेला. पेनल्टीवर आठरे पाटील स्कूलच्या भानू चंद, गौरव आठरे, अभय थोरात, संग्राम गीते यांनी प्रत्येकी १ गोल केला, तर आर्मी स्कूलकडून पार्थ मस्कर, आयुष शिर्के यांनी प्रत्येकी १ गोल केला. ४-२ गोलने आठरे पाटील स्कूलचा संघ विजयी झाला. १७ वर्षांखालील मुली विजयी- श्री साई इंग्लिश मीडियम स्कूल, उपविजयी- कर्नल परब स्कूल व तृतीय - आर्मी स्कूल (एसी सेंटर), १४ वर्षे मुले विजयी- आठरे पाटील स्कूल, उपविजयी- आर्मी स्कूल (एसी सेंटर), तृतीय- ऑक्झिलियम स्कूल. १७ वर्षे मुले विजयी- आठरे स्कूल, उपविजयी- आर्मी स्कूल, तृतीय- श्री साई इंग्लिश स्कूल. टूर्नामेंट ऑफ द प्लेयरचा मानकरी आर्मी स्कूल (एमआयआरसी) चा खेळाडू सोहेल त्रिपुरा ठरला. पंच म्हणून शशिकांत गायकवाड, ऋषी कनोजिया, जोयल पिल्ले, परेश म्याना, ओम दंडवते, प्रणव पंडित, सागर चेमटे यांनी काम पाहिले. स्पर्धेसाठी स्टेअर्स फाउंडेशनचे सचिव प्रसाद पाटोळे, सहसचिव सुभाष कनोजिया, खजिनदार मयूर टेमक, सदस्य वृषाली पटेकर, निलेश हराळे, राहुल जोशी, अर्जुन खेकडे आदींनी परिश्रम घेतले. वैयक्तिक पारितोषिके मुलांमध्ये १४ वर्षे वयोगटात उत्कृष्ट खेळाडू- अशोक चंद (आठरे स्कूल), उत्कृष्ट डिफेंडर- सार्थक विभुते (आर्मी स्कूल), उत्कृष्ट गोलकीपर- अथर्व गिरजे (आठरे स्कूल), १७ वर्षे वयोगट उत्कृष्ट खेळाडू- भानू चंद (आठरे स्कूल), उत्कृष्ट डिफेंडर- अम्मार शेख (श्री साई इंग्लिश), उत्कृष्ट गोलकीपर- आयुष शिर्के (आर्मी स्कूल). १७ वर्षे वयोगट मुली उत्कृष्ट खेळाडू निकिता रामावत ( साई इंग्लिश), स्वराली देशमुख (कर्नल परब स्कूल), उत्कृष्ट स्ट्रायकर- आरती कर्डिले (आर्मी स्कूल).