राजकोट येथील पुतळा कोसळल्याप्रकरणी तिसऱ्या आरोपीला पोलिसांकडून अटक

मालवण : राजकोट किल्ल्यावर उभारण्यात आलेला छत्रपती शिवाजी महाराजांचा पूर्णाकृती पुतळा कोसळल्याच्या पार्श्वभूमीवर या गुन्ह्यातील तिसऱ्या आरोपीला अखेर आज सायंकाळी उशिरा मालवण पोलिसांनी अटक केली आहे. परमेश्वर यादव (रा. उत्तर प्रदेश) असे आरोपीचे नाव असून त्याला येथील न्यायालयासमोर हजर केले असता 19 ऑक्टोबर पर्यंत पोलीस कोठडी देण्यात आली आहे. परमेश्वर यादव याने पुतळ्याचे बांधकाम केले होते.

राजकोट किल्ल्यावर डिसेंबर महिन्यात उभारण्यात आलेला छत्रपती शिवाजी महाराजांचा पुतळा 26 ऑगस्ट कोसळला होता. या दुर्घटनेनंतर शिवप्रेमींमध्ये संतापाची लाट निर्माण झाली होती. या प्रकरणात चेतन पाटील आणी जयदीप आपटे याला अटक करण्यात आली असून हे दोन्ही आरोपी न्यायालयीन कोठडीत आहेत. या प्रकरणात आज तिसऱ्या आरोपीला अटक करण्यात आली आहे. त्याला आज न्यायालयात हजर केले असता तीन दिवसांची पोलीस कोठडी देण्यात आल्याची माहिती पोलीस निरीक्षक प्रवीण कोल्हे यांनी दिली आहे.