विद्यार्थ्यांनी संविधानातील मूल्य जोपासण्याची गरज- डॉ. पाटील:नाईक खेतान महाविद्यालयात संविधान दिनानिमित्त विविध विषयांवर मार्गदर्शन‎

सुधाकरराव नाईक कला व उमाशंकर खेतान वाणिज्य महाविद्यालयात राज्यशास्त्र विभाग व राष्ट्रीय सेवा योजना तसेच निवडणूक साक्षरता मंडळ यांच्या संयुक्त विद्यमाने संविधान दिन संपन्न झाला. विद्यार्थ्यांनी संविधानातील मूल्य जोपासावी, असे आवाहन अध्यक्षीय भाषणात डॉ. भास्कर पाटील यांनी केले. कार्यक्रमात राष्ट्रसंत गाडगेबाबा यांच्या प्रतिमेचे पूजन करण्यात आले. यानंतर भारतीय संविधानाच्या उद्देश पत्रिकेचे वाचन मराठी विभाग प्रमुख प्रा. एन. एफ. चव्हाण व विद्यार्थ्यांनी केले. कार्यक्रमाचे प्रास्ताविक प्रा. राधा मुरूमकर यांनी केले. कार्यक्रमाचे आयोजन महाविद्यालयाचे संस्थापक सचिव बी.पी. पवार यांच्या मार्गदर्शनाखाली करण्यात आले. यावेळी व्यासपीठावर शारीरिक शिक्षण विभाग प्रमुख डॉ. नितीन देऊळकर, आयक्यूएसी कॉर्डिनेटर प्रा. अमोल मेश्राम, प्रा. एन. एफ. चव्हाण, कनिष्ठ महाविद्यालय पर्यवेक्षक प्रा. सीमा उपासने या होत्या. विद्यार्थी आकाश उमाळे, अनिकेत डोंगरे, आश्लेषा लहरिया, रीना नहाटे यांनी आपले विचार व्यक्त केले. प्रमुख मार्गदर्शक म्हणून प्रा. हर्षदा जाधव यांनी संविधानाची पार्श्वभूमी मूल्य व प्रसंगिकता यावर विद्यार्थ्यांना मार्गदर्शन केले. कार्यक्रमाचे सूत्रसंचालन प्रा. संदेश गवारगुरु यांनी केले. आभार प्रा. संदीप कुऱ्हाडे यांनी मानले. कार्यक्रमाला प्रा. दीपक वाघमारे, प्रा. योगेश चव्हाण, डॉ. अनंत राठोड यांच्यासह अन्य प्राध्यापक व प्राध्यापकेत्तर कर्मचारी, विद्यार्थी होते. ‘विद्यांचल द स्कुल’मध्ये संविधान दिवस उत्साहात अकोट | २६ नोव्हेंबर हा दिवस भारतामध्ये संविधान दिवस म्हणून मोठ्या उत्साहात साजरा केला जातो. विद्यांचल द स्कुलमध्ये संविधान दिनानिमित्त विशेष परिपाठ घेऊन विद्यार्थ्यांना डॉ. बाबासाहेब आंबेडकर व संविधान या विषयी माहिती करुन देण्यात आली. याप्रसंगी विशेष परिपाठाचे आयोजन व सादरीकरण चॅलेंजर्स हाऊसच्या विद्यार्थ्यांतर्फे हाऊस मास्टर गोविंद जोशी व हाऊस समन्वयक रुचिका नलगे यांच्या मार्गदर्शनात करण्यात आले. यामध्ये शाळेच्या विद्यार्थ्यानी उत्कृष्ट अशा प्रकारची नाटिका व गीत गायन केले. याप्रसंगी शिक्षिका रश्मी पवार यांनी संविधान दिनाचे महत्व विद्यार्थ्यांना आपल्या प्रभावी भाषणाद्वारे पटवून सांगितले. संपूर्ण परिपाठाचे समन्वयन श्रद्धा वानखडे, रश्मी पवार व नेहा भदे यांच्याकडून उत्कृष्टपणे करण्यात आले. यावेळी विविध मान्यवरांची उपस्थिती होती. त्यांनी विद्यार्थ्यांना मार्गदर्शन केले.