Published on
:
04 Oct 2024, 5:50 pm
Updated on
:
04 Oct 2024, 5:50 pm
करमाळा : तालुक्यातील देवळाली येथील संगणक अभियंता तेजस सुंदरदास वीर याने सॅन अँटोनियो, टेक्सास, अमेरिका येथे नुकत्याच झालेल्या मेन्स जागतिक ओपन रॅकेटबॉल चॅम्पियनशिप स्पर्धेत रौप्यपदक पटकाविले आहे.
यापूर्वी वीर याने 2022 व 2023 मध्येही ब्राँझ मेडल मिळविले होते. या स्पर्धेमध्ये 12 देशांतील स्पर्धकांनी भाग घेतला होता. तेजस यांनी या खेळाचे प्रशिक्षण अमेरिकेत घेतलेले आहे. परंतु, स्पर्धेत उतरताना भारतीय संघातून सहभाग घेत आहे. तेजस हा गेल्या पाच वर्षांपासून या खेळात आहे. तो सध्या शिकागो, अमेरिका येथे नोकरीच्या निमित्ताने वास्तव्यास आहेत. त्याचे सर्वत्र अभिनंदन होत आहे.