5 hours ago
1
हिवाळ्यात का वाढतो हार्टअ‍ॅटॅकचा धोका?Pudhari File Photo
Published on
:
21 Nov 2024, 11:35 pm
Updated on
:
21 Nov 2024, 11:35 pm
ऑक्टोबर हीट संपून नोव्हेंबर महिना सध्या सुरू आहे. अशात थंडीला सुरुवातही झालीय. तसं पाहायला गेलं तर अनेकांना हिवाळा ऋतू आवडतो; मात्र हिवाळा जितका चांगला असतो, तितकाच तो अनेक आजारही घेऊन येतो. सर्दी-खोकला हे सामान्य आजार आहेत. परंतु, विशेष म्हणजे हृदयरोगींनाही हिवाळ्यात काळजी घ्यावी लागते; अन्यथा त्यांची प्रकृती बिघडू शकते. हे का घडते? यापासून बचाव करण्याचे उपाय काय आहेत? जाणून घेऊया.
रक्तवाहिन्या गोठणे : आरोग्यतज्ज्ञांच्या मते, हिवाळ्यात हृदयाच्या नसांमध्ये रक्त गोठण्यास सुरुवात होते. त्याच्या संचयामुळे, हृदयविकाराचे अनेक आजार आणि हृदयविकाराचा झटका येण्याची शक्यता असते.
कोरोनरी हार्ट डिसीज : कोरोनरी डिसीजमध्ये छातीत दुखण्याची समस्या सामान्य आहे, जी हिवाळ्याच्या ऋतूमध्ये वाढते.
तापमान असंतुलन : हिवाळ्यात आपले हृदय सामान्य तापमान संतुलित करू शकत नाही. वारंवार तापमानाच्या असंतुलनामुळे हृदयाच्या स्नायूंना नुकसान होते, ज्यामुळे हृदयविकाराचा धोका वाढतो.
हिवाळा सुरू झाला आहे. सध्या सकाळ-संध्याकाळ थंडी असते. हृदयाच्या रुग्णांनी असंच निश्चिंत राहू नये आणि उबदार कपडे घालावेत.
हृदयाच्या रुग्णांनी शक्य तितके कमी बाहेर जावे. विशेषत:, जेव्हा थंड वारे वाहू लागतात.
अल्कोहोलचे सेवन कमी करावे. यामुळे शरीरातील तापमान गरम होईल; पण बाहेरून थंड वारे वाहत असल्याने तापमान वर-खाली होऊ शकते.
हाताची स्वच्छता राखा. याच्या मदतीने तुम्ही संसर्ग टाळू शकता.
जर आधीच बीपी किंवा कोलेस्ट्रॉलची समस्या असेल, तर एकदा डॉक्टरांचा सल्ला घ्या.
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·