Baba Slaps YouTuber, Viral Video Sparks Reactions

પ્રયાગરાજઃ 13મી જાન્યુઆરીથી શરુ થયેલો મહાકુંભ અત્યારે આખા વિશ્વના આકર્ષણનું કેન્દ્ર બન્યો છે. શાહી સ્નાનની વાત હોય કે પછી વિવિધ અખાડાના નાગા બાબાથી લઈને દિવ્ય સંતો. જોકે, અમુક કિસ્સામાં લોકોને મળતી સુવિધાની વાત હોય કે પછી અન્ય પરિબળોને લઈને કુંભમેળો ચર્ચામાં છે. તાજેતરમાં એક ચોંકાવનારી ઘટના બની હતી, જેમાં બાબા ઓન-કેમેરા યુ-ટ્યુબરને થપ્પડ મારી દીધી હતી. એટલે સુધી કે તેનું માઈક ખેંચીને માર્યો હતો.

આ પણ વાંચો: Mahakumbh ને લઈ હવાઈ ભાડા આસમાને, અમદાવાદથી પ્રયાગરાજનું ભાડુ પચાસ હજાર પહોંચ્યું

સોશિયલ મીડિયા પર વાયરલ થઈ રહેલા આ વીડિયોમાં એક યુટ્યુબર બાબાના ટેન્ટની બહાર કેમેરામાં કંઈક કહે છે ત્યારે બાબાએ તેને થપ્પડ મારી દીધી હતી.. યુટ્યુબર કેમેરા પર કહે છે કે બાબા લોકો આ મેળામાં ખૂબ ગુસ્સામાં દેખાય છે. એના બોલવાની જ વાર હતી ત્યાં બાબા ગુસ્સામાં આવી જઈને થપ્પડ મારી દીધી હતી!, જે કેમેરામાં કેદ થાય છે. થપ્પડ માર્યા બાદ બાબા કહે છે કે આ સ્થાનિક લોકોએ અમને ખૂબ પરેશાન કર્યા છે. એક યુટ્યુબર મોટી મીડિયા ચેનલો સામે બાબાની નારાજગીનું રિપોર્ટિંગ કરવા માટે સંપર્ક કરે છે, પરંતુ બાબા બદલામાં તેને પકડીને તેની ધોલધપાટ કરી નાખી હતી.

આ પણ વાંચો: મહાકુંભમાં ચોથા દિવસે 25 લાખ શ્રદ્ધાળુઓએ સંગમમાં લગાવી ડૂબકી…

એક થપ્પડથી યુટ્યુબરને જાણે સંતોષ થયો નહોતો અને થપ્પડ ખાધા પછી પણ તેને ત્યાં ઊભો રહીને રિપોર્ટિંગ કરવાનું ચાલુ રાખ્યું હતું. એના પછી બાબા ખૂબ ગુસ્સે થઈને બાબાએ યુટ્યુબરનું માઈક છીનવીને ફેંકી દેવાનો પ્રયાસ કર્યો હતો. જોકે, એમ કરવામાં બાબા નિષ્ફળ રહ્યા હતા, ત્યાર બાદ બાબા અને યુટ્યુબર વચ્ચે ધક્કામુક્કી અને ઝપાઝપી થઈ હતી.

જોકે, આ વીડિયો સોશિયલ મીડિયા પર ઘણા પ્લેટફોર્મ પર શેર કરવામાં આવી રહ્યો છે, જેને અત્યાર સુધીમાં લાખો લોકો જોઈ ચૂક્યા છે અને ઘણા લોકોએ વીડિયોને લાઈક પણ કર્યો છે. યૂઝર્સ વીડિયોને લઈને અલગ-અલગ પ્રકારની પ્રતિક્રિયા આપી હતી. એક યૂઝરે લખ્યું હતું કે આ લોકોને એકાંતની જરૂર છે. તે તમારી રીલ માટે અહીં બેઠા નથી. અન્ય યુઝરે લખ્યું… બાબા સાથે દલીલ, એટલે જીવનનો વિનાશ. તો બીજા યુઝરે લખ્યું… મને લાગ્યું જ કે બાબા અચાનક હુમલો કરશે.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને