પૂર્વ ચીફ જસ્ટિસ ડીવાય Chandrachud એ શિવસેનાના આક્ષેપનો આપ્યો જવાબ, કહ્યું શું એક પાર્ટી ..

નવી દિલ્હી : મહારાષ્ટ્ર વિધાનસભા ચુંટણીમાં મહાયુતિની જીત બાદ એમવીએના ઘટક દળો પરિણામને સ્વીકારવા તૈયાર નથી. તેમજ અલગ અલગ આક્ષેપ કરી રહયા છે. જેમાં ઉદ્ધવ ઠાકરેની શિવસેનાએ પૂર્વ ચીફ જસ્ટિસ ડીવાય. ચંદ્રચૂડ પર આક્ષેપ કર્યા હતા. જેને પગલે પૂર્વ ચીફ જસ્ટિસ ચંદ્રચૂડે(Chandrachude)પ્રતિક્રિયા આપી છે. જસ્ટિસ ચંદ્રચુડે કહ્યું કે મારો જવાબ ખૂબ જ સરળ છે. શું કોઈ એક પક્ષ કે વ્યક્તિએ નક્કી કરવું જોઈએ કે સુપ્રીમ કોર્ટે કયા કેસોની સુનાવણી કરવી જોઈએ? સુપ્રીમ કોર્ટ શું નિર્ણય કરે છે તે એક પક્ષ નક્કી કરશે? માફ કરજો. આ કામ ચીફ જસ્ટિસનું છે.

સંજય રાઉતે ડીવાય ચંદ્રચુડ પર આ આરોપ લગાવ્યો હતો

મહારાષ્ટ્ર વિધાનસભા ચૂંટણીમાં એમવીએની હાર બાદ શિવસેના (UBT)ના નેતા સંજય રાઉતે આરોપ લગાવ્યો હતો કે ન્યાયમૂર્તિ ચંદ્રચુડે ધારાસભ્યોની અયોગ્યતા નિર્ણય ન લઈને રાજ્યના ધારાસભ્યોના મનમાંથી કાયદાનો ડર દૂર કર્યો છે. જેના લીધે રાજકીય પક્ષપલટાનો દરવાજો ખુલ્લો રહ્યો અને પછી હાર થઈ. સંજય રાઉતે કહ્યું હતું કે ઈતિહાસ ડીવાય ચંદ્રચુડને ક્યારેય માફ નહીં કરે.

સંજય રાઉતને આપ્યો જવાબ

ન્યૂઝ એજન્સીને આપેલા ઈન્ટરવ્યુમાં સંજય રાઉતના આરોપો સાથે જોડાયેલા એક પ્રશ્નનો જવાબ આપતા ડીવાય ચંદ્રચુડે કહ્યું કે આ આખું વર્ષ અમે મૂળભૂત અધિકારો, નવ જજની બેંચના નિર્ણયો, સાત જજોની બેંચ સમક્ષ આવેલા કેસો પર રોક લગાવી હતી. શું એક વ્યક્તિ અથવા પક્ષકારે નક્કી કરવું જોઈએ કે સુપ્રીમ કોર્ટે કયા કેસોની સુનાવણી કરશે. આ સત્તા ન્યાયાધીશ પાસે છે.

આ પણ વાંચો : EVM સાથે ચેડાંઃ ‘મનસે’ના ઉમેદવારને 2 નહીં, 53 મત મળ્યા હોવાની સ્પષ્ટતા

એકનાથ શિંદેના બળવાને કારણે ઉદ્ધવની સરકાર પડી ગઈ હતી.

ઉલ્લેખનીય છે કે, વર્ષ 2022માં એકનાથ શિંદેના વિદ્રોહ બાદ અવિભાજિત શિવસેનાને ભાગલાનો સામનો કરવો પડ્યો હતો. આનાથી ઉદ્ધવ ઠાકરેની આગેવાની હેઠળની તત્કાલીન શાસક એમવીએ સરકાર પડી હતી અને એકનાથ શિંદેની આગેવાની હેઠળની મહાયુતિ સરકારની રચના થઈ. તેની બાદ ઠાકરેએ એકનાથ શિંદે સાથે મળીને પક્ષ છોડનારા ધારાસભ્યોને ગેરલાયક ઠેરવવા પર સુપ્રીમ કોર્ટમાં અરજી કરી હતી.

રાજકારણનો એક વર્ગ આ રીતે અનુભવે છે

સુપ્રીમ કોર્ટે વિધાનસભા અધ્યક્ષ રાહુલ નાર્વેકરને હરીફ જૂથોની ગેરલાયકાતની અરજીઓ પર નિર્ણય લેવા જણાવ્યું હતું. આ વર્ષે જાન્યુઆરીમાં સ્પીકરે શિંદે જૂથને ‘વાસ્તવિક’ શિવસેના તરીકે જાહેર કર્યું હતું. જ્યારે શિવસેનાના કેસ પર નિર્ણયમાં વિલંબ કરવા માટે યુબીટી સામે સેનાના આરોપ વિશે પૂછવામાં આવ્યું ત્યારે, CJIએ કહ્યું, તમે જુઓ, આ સમસ્યા છે. વાસ્તવિક સમસ્યા એ છે કે રાજકારણનો એક વર્ગ આ રીતે અનુભવે છે.

મહત્વના મુદ્દાઓ પર નિર્ણયો આપ્યા છે

અમે ચૂંટણી બોન્ડનો અંગે નિર્ણય લીધો શું તે ઓછું મહત્વનું હતું? અમે આ વર્ષે સંઘીય માળખાને લગતા મહત્વના મુદ્દાઓ પર નિર્ણયો આપ્યા છે અને આ તમામ બાબતો છે જેના પર અમે આ વર્ષે નિર્ણયો લીધા છે. અમે નાગરિકતા અધિનિયમની કલમ 6Aની બંધારણીય માન્યતા પર નિર્ણય કર્યો છે. જેણે અમુક લોકોને નાગરિકતા આપી છે.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને