હજુ કિશોર કુમારને પદ્મ પુરસ્કાર મળ્યો નથીઃ સોનુ નિગમે વીડિયો પોસ્ટ કરીને શું કહ્યું?

મુંબઈઃ ૨૫ જાન્યુઆરીના રોજ પદ્મ પુરસ્કાર ૨૦૨૫ના વિજેતાઓની યાદી જાહેરાત કરવામાં આવી હતી. જોકે, ફિલ્મ ઉદ્યોગના અરિજીત સિંહ, લોક ગાયિકા શારદા સિંહા અને ફિલ્મ નિર્દેશક શેખર કપૂરની પદ્મ પુરસ્કારો માટે પસંદગી કરવામાં આવી છે. લોક ગાયિકા શારદા સિન્હાને મરણોત્તર પદ્મ વિભૂષણ એનાયત કરવામાં આવશે.

અભિનેતા અનંત નાગ, દક્ષિણ અભિનેતા નંદામુરી બાલકૃષ્ણ અને અજીત કુમાર, ગાયક પંકજ ઉધાસને પદ્મ ભૂષણથી સન્માનિત કરવામાં આવશે. ગાયક અરિજીત સિંહને પદ્મશ્રી પુરસ્કારથી સન્માનિત કરવામાં આવશે. હવે પદ્મ પુરસ્કારની જાહેરાત બાદ ગાયક સોનુ નિગમે એક વીડિયો શેર કરીને પોતાની નારાજગી વ્યક્ત કરી હતી.

સોનુ નિગમે વીડિયો શેર કરીને કહ્યું હતું કે ‘એવા બે ગાયકો જેમણે દુનિયાભરના ગાયકોને પ્રેરણા આપી છે. આપણે તેમને એક માત્ર પદ્મશ્રી આપ્યો છે. એ છે મોહમ્મદ રફી સાહેબ અને બીજા જેમને પદ્મશ્રી પણ નથી મળ્યો એ છે કિશોર કુમાર જી.

Also read: એસ.ટીની 170 સુપર એક્સપ્રેસ અને 31 સ્લીપર કોચ સાથે 201 નવીન બસોનું પ્રસ્થાન

હવે જે હયાત છે તેમાં, અલકા યાજ્ઞિકજીની આટલી લાંબી અને અદ્ભુત કારકિર્દી રહી છે, તેમને આજ સુધી કોઈ પદ્મ પુરસ્કાર નથી મળ્યો. શ્રેયા ઘોષાલ લાંબા સમયથી પોતાની કળા સાબિત કરી રહ્યા છે તેમને પણ મળવો જોઈએ. સુનિધિ ચૌહાણે પણ આખી પેઢીને પ્રેરણા આપી છે. તેને પણ હજુ સુધી કંઈ મળ્યું નથી. અભિનય હોય કે વિજ્ઞાન કે બીજા કોઈ પણ ક્ષેત્રમાં આવા કેટલાય નામો છે, જેમને ન્યાય નથી મળ્યો.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને