అప్పుడు రోహిత్ శర్మ, నేడు శాంసన్! జెర్సీ నంబర్‌ మార్చిన తరువాతే..

సరైన అవకాశం లేకుండానే అన్ లక్కీ క్రికెటర్ గా మారిన సంజూ శాంసన్.. దక్షిణాఫ్రికాతో జరిగిన టీ20 సిరీస్ లో రెండు సెంచరీలు బాది అద్భుత ప్రదర్శన చేశాడు. అదే సమయంలో గత 10 ఇన్నింగ్స్‌ల్లో విఫలమైన రోహిత్ శర్మపై అందరి దృష్టి ఉంది. సంజూ శాంసన్‌లా రోహిత్‌ మళ్లీ ఫామ్‌ను లోకి రాగలడని అందరూ అంటున్నారు.

అయితే భారత జట్టులోని ఈ ఇద్దరు స్టార్ ప్లేయర్ల మధ్య ఒక విషయం సరిపోలుతోంది. ఈ ఇద్దరు ఆటగాళ్లు భారత జట్టుకు ఆడటం ప్రారంభించినప్పుడు ఉపయోగించిన జెర్సీ నంబర్లను ధరించడం లేదు. రోహిత్ శర్మ, సంజూ శాంసన్‌లు తమ జెర్సీ నంబర్లను మార్చుకుని అంతర్జాతీయ క్రికెట్‌లో మెరిశారు.

రోహిత్ శర్మ, సంజూ శాంసన్‌ల జెర్సీ నంబర్లలో ఒకే పద్దతిని అనుసరిస్తున్నారు. వీరిద్దరి జెర్సీలు 9వ సంఖ్యను ఉమ్మడిగా కలిగి ఉన్నారు. 9 వ నంబర్ తో రోహిత్ శర్మ, సంజూ శాంసన్‌ల కెరీర్‌లు మారిపోయాయి.

రోహిత్ శర్మ అంతర్జాతీయ క్రికెట్‌లోకి అరంగేట్రం చేసినప్పుడు, అతను 77 నంబర్ జెర్సీలో ఆడాడు. అయితే అప్పట్లో అతని కెరీర్ సరిగా కొనసాగలేదు. తర్వాత తన జెర్సీ నంబర్‌ను 45కి మార్చుకున్నాడు. ఆశ్చర్యకరమైన విషయం ఏమిటంటే 5 మరియు 4 కలిపితే 9 వస్తుంది. నెం.9 రోహిత్ కెరీర్‌ని పూర్తిగా మార్చేసింది.

రోహిత్ శర్మ నాయకత్వంలో టీమ్ ఇండియా ICC T20 ప్రపంచకప్‌లో ఛాంపియన్‌గా అవతరించింది. జెర్సీ నంబర్ మార్చిన తర్వాత అతని కెరీర్ కొత్త మలుపు తిరిగింది. టెస్టు, వన్డే, టీ20 క్రికెట్‌లో రాణించాడు.

సంజూ శాంసన్ భారత జట్టు కోసం అంతర్జాతీయ క్రికెట్‌లోకి అరంగేట్రం చేసినప్పుడు, అతని జెర్సీ నంబర్ 14. ఇప్పుడు అతను జెర్సీ నంబర్ 9 ధరించి టిమిండియాకు ఆడుతున్నాడు. 9వ నంబర్ రాకతో అతని కెరీర్ కొత్త పుంతలు తొక్కుతోంది.

బంగ్లాదేశ్‌తో జరుగుతున్న టీ20 సిరీస్ చివరి మ్యాచ్‌లో సంజూ శాంసన్ సెంచరీ సాధించాడు. దక్షిణాఫ్రికా పర్యటనలో నాలుగు మ్యాచ్‌ల్లో రెండు సెంచరీలు సాధించి సరికొత్త రికార్డు సృష్టించాడు. ఒక సంవత్సరంలో మూడు టీ20 సెంచరీలు సాధించిన ప్రపంచంలోనే తొలి బ్యాట్స్‌మెన్‌గా నిలిచాడు.