మెడికల్ కాలేజీలోని పిల్లల వార్డులో భారీ అగ్నిప్రమాదం.. 10 మంది చిన్నారుల మృతి!

ఉత్తరప్రదేశ్‌లోని ఝాన్సీ మెడికల్ కాలేజీలో సిలిండర్ పేలడంతో భారీ అగ్నిప్రమాదం జరిగింది. చిల్డ్రన్స్ వార్డు (ఎన్‌ఐసియు)లో మంటలు చెలరేగాయి. ఈ ఘటనలో పలువురు చిన్నారులు కాలిపోయినట్లు సమాచారం. లోపల నుంచి 10 మంది చిన్నారుల మృతదేహాలను బయటకు తీశారు. మంటలను అదుపు చేసేందుకు అగ్నిమాపక సిబ్బంది ఘటనా స్థలానికి చేరుకుని సహాయక చర్యలు చేపడుతున్నారు. సమాచారం అందుకున్న జిల్లా అధికారులు కూడా ఘటనాస్థలికి చేరుకున్నారు.

ఝాన్సీలోని మహారాణి లక్ష్మీబాయి మెడికల్ కాలేజీలోని ఎన్‌ఐసియు (శిశువు) వార్డులో శుక్రవారం(నవంబర్‌ 15) రాత్రి భారీ అగ్నిప్రమాదం సంభవించింది. మంటలు ఎగిసిపడటంతో మెడికల్ కాలేజీలో ఒక్కసారిగా గందరగోళం నెలకొంది. వెంటనే పోలీసులకు, అగ్నిమాపక సిబ్బందికి సమాచారం అందించారు. సమాచారం అందుకున్న వెంటనే పోలీసులు, అగ్నిమాపక సిబ్బంది సంఘటనా స్థలానికి చేరుకున్నారు. తొలుత అగ్నిమాపక సిబ్బంది మంటలను అదుపు చేసేందుకు ప్రయత్నించింది. మంటలు అదుపులోకి రావడంతో బృందం ఎన్‌ఐసీయూ వార్డులోకి ప్రవేశించింది.

అగ్నిమాపక బృందం త్వరగా పిల్లలను NICU వార్డు నుండి తరలించడం ప్రారంభించింది. బృందం మొత్తం 50 మంది పిల్లలను రక్షించింది. వారిలో 10 మంది మరణించారు. 40 మందిని రక్షించారు. సమాచారం అందుకున్న వెంటనే ఝాన్సీ డీఎం అవినాష్‌కుమార్‌ ఉన్నతాధికారులతో సంఘటనా స్థలానికి చేరుకుని సహాయక చర్యలు చేపట్టారు. మహారాణి లక్ష్మీబాయి మెడికల్ కాలేజీలో మంటలు సిలిండర్ పేలడం వల్లే సంభవించినట్లు తెలుస్తోంది.

ఈ ప్రమాదంపై ఇప్పటి వరకు ఏ ఉన్నతాధికారుల నుంచి ఎలాంటి ప్రకటన రాలేదు. ఆరు అగ్నిమాపక దళ వాహనాలు మంటలను ఆర్పే పనిలో నిమగ్నమై ఉన్నాయి. ఇప్పటి వరకు 40 మంది పిల్లలను తరలించినట్లు ప్రమాద సమయంలో మెడికల్ కాలేజీలో ప్రత్యక్ష సాక్షి తెలిపారు. రెండు వార్డుల్లో 24-25 మంది పిల్లలు ఇప్పటికీ చిక్కుకుపోయారు. అప్పటికే లోపల మంటలు వ్యాపించాయి. కాగా, ఈ ఘటనకు సంబంధించి సమగ్ర విచారణ చేపట్టారు ఉన్నతాధికారులు.

మరిన్ని క్రైమ్ వార్తల కోసం ఇక్కడ క్లిక్ చేయండి..