శరీరంలో ఈ 5 సంకేతాలు కనిపిస్తే మీ గుండె డేంజర్‌లో ఉన్నట్లే.. బీకేర్‌ఫుల్

2 hours ago 1

శరీరంలో అనేక సాధారణ సమస్యలు కూడా గుండె వైఫల్యం లక్షణాలు కావచ్చు. కొన్నిసార్లు సాధారణ సమస్యలను విస్మరించడం ప్రాణాలకు ప్రమాదకరం. అందువల్ల, శరీరం ఏదైనా సిగ్నల్ ఇచ్చినప్పుడు, ఏమైనా లక్షణాలు కనిపించినప్పుడు వెంటనే వైద్యులను సంప్రదించాలని ఆరోగ్య నిపుణులు సూచిస్తున్నారు.

Heart Care

Updated on: Sep 25, 2024 | 3:27 PM

శరీరంలో అనేక సాధారణ సమస్యలు కూడా గుండె వైఫల్యం లక్షణాలు కావచ్చు. కొన్నిసార్లు సాధారణ సమస్యలను విస్మరించడం ప్రాణాలకు ప్రమాదకరం. అందువల్ల, శరీరం ఏదైనా సిగ్నల్ ఇచ్చినప్పుడు, ఏమైనా లక్షణాలు కనిపించినప్పుడు వెంటనే వైద్యులను సంప్రదించాలని ఆరోగ్య నిపుణులు సూచిస్తున్నారు. గుండె వైఫల్యం అనేది గుండె సంబంధిత వ్యాధి.. ఇందులో రక్తాన్ని పంప్ చేసే గుండె సామర్థ్యం క్రమంగా బలహీనపడుతుంది. ఇది చాలా తీవ్రమైన.. ప్రాణాంతక పరిస్థితి. గుండె వైఫల్యానికి ముందు, శరీరంలో అనేక రకాల సంకేతాలు కనిపించడం ప్రారంభిస్తాయి.. కానీ అవి చాలా సాధారణం.. ప్రజలు వాటిని త్వరగా అర్థం చేసుకోలేరు.. తరచూ వాటిని విస్మరిస్తూ ఉంటారు. దీంతో వారు ఆరోగ్యపరంగా నష్టపోవాల్సి వస్తోంది. ఒక్కోసారి ప్రాణాంతకం కూడా కావొచ్చు..

గుండె వైఫల్యానికి ముందు కనిపించే అటువంటి 5 లక్షణాలు ఏంటో తెలుసుకోండి..

ఏ రకమైన శ్వాసకోశ వ్యాధి అయినా గుండె వైఫల్యానికి సంకేతం కావచ్చు. శ్వాసలోపం, శ్వాస ఆడకపోవడం వంటి సమస్యలు గుండె వైఫల్యం సమయంలో లేదా అంతకు ముందు కూడా సంభవించవచ్చు. హృద్రోగులు శ్వాస తీసుకోవడంలో ఇబ్బందిని నిర్లక్ష్యం చేయకూడదు. ఇది మరణానికి కూడా దారి తీస్తుంది.
కాళ్లు, మోకాళ్లు లేదా చీలమండలలో వాపు ఉంటే, జాగ్రత్తగా ఉండాలి. ఎందుకంటే ఇది గుండె సంబంధిత వ్యాధి కూడా కావచ్చు. గుండె బలహీనంగా మారినప్పుడు అది అలాంటి సంకేతాలను ఇస్తుంది. గుండె సరిగ్గా పని చేయనప్పుడు, చీలమండలు, మోకాళ్లు వాపు ప్రారంభమవుతాయి.
ఈ రోజుల్లో, చెడు జీవనశైలి, అనారోగ్యకరమైన ఆహారపు అలవాట్ల కారణంగా రోజంతా అలసిపోవడం సర్వసాధారణంగా మారింది. అయినప్పటికీ, అలసట, బలహీనత వంటి లక్షణాలు గుండె వైఫల్యానికి ముందు కూడా కనిపిస్తాయి. అటువంటి పరిస్థితిలో, బలహీనత, అలసటను ఎప్పుడూ తేలికగా తీసుకోకూడదు. హృద్రోగులు ఈ సమస్యను మరింత తీవ్రంగా పరిగణించాలి.
దగ్గు లేదా శ్వాసలో గురక వంటి సమస్యలు కూడా గుండె సమస్య లేదా గుండె వైఫల్యానికి ముందు కనిపిస్తాయి.. గుండె సరిగ్గా పని చేయనప్పుడు, ఊపిరితిత్తులలో నీరు చేరడం ప్రారంభించినప్పుడు, దగ్గు లేదా శ్వాసలోపం వంటి లక్షణాలు కనిపించడం ప్రారంభిస్తాయి. అందువల్ల అటువంటి లక్షణాలను ఎప్పుడూ నిర్లక్ష్యం చేయకూడదు.
ఇంకా వేగవంతమైన లేదా క్రమరహిత హృదయ స్పందన, వ్యాయామం చేసే సామర్థ్యం తగ్గిపోవడం, బొడ్డు ప్రాంతంలో వాపు కూడా గుండె వైఫల్యానికి ముందు కనిపిస్తాయని వైద్య నిపుణులు చెబుతున్నారు.

మరిన్ని హెల్త్ వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article