Ben Stokes: ఇప్పటికే 2 సార్లు రిటైర్మెంట్.. మరోసారి యూటర్న్ తీసుకోనునన్న స్టార్ ఆల్ రౌండర్..

2 hours ago 1

Ben Stokes: ఇంగ్లండ్ తరపున బెన్ స్టోక్స్ 114 వన్డేల్లో 3463 పరుగులు చేశాడు. ఈసారి అతని బ్యాట్‌ నుంచి 5 సెంచరీలు, 24 అర్ధసెంచరీలు వచ్చాయి. అలాగే, అతను 88 ఇన్నింగ్స్‌లలో బౌలింగ్ చేసి మొత్తం 74 వికెట్లు పడగొట్టాడు.

Venkata Chari |

Updated on: Sep 25, 2024 | 12:30 PM

ఇంగ్లండ్ స్టార్ ఆల్ రౌండర్ బెన్ స్టోక్స్ వన్డే క్రికెట్‌లోకి తిరిగి రావాలని ఆదేశాలు ఇచ్చాడు. ఇంగ్లండ్ జట్టు కోచ్ బ్రెండన్ మెకల్లమ్ సారథ్యంలోనే ఇది జరగడం విశేషం. 2025 ఛాంపియన్స్ ట్రోఫీకి ముందు మెకల్లమ్ ఇంగ్లండ్ వన్డే జట్టుకు ప్రధాన కోచ్‌గా వ్యవహరిస్తున్నాడు.

ఇంగ్లండ్ టెస్టు జట్టు కోచ్ బ్రెండన్ మెకల్లమ్ వన్డే, టీ20 జట్ల కోచ్‌గా ఎంపిక కావడంతో బెన్ స్టోక్స్ రిటైర్మెంట్ తర్వాత మళ్లీ వన్డే క్రికెట్‌లోకి వచ్చేందుకు ఆసక్తి కనబరిచాడు.

విశేషమేమిటంటే బెన్ స్టోక్స్ 2022లో వన్డే క్రికెట్‌కు రిటైర్మెంట్ ప్రకటించాడు. ఆ తరువాత, అతను 2023 వన్డే ప్రపంచ కప్ కోసం తన నిర్ణయాన్ని మార్చుకున్నాడు. మళ్లీ రంగంలోకి దిగాడు. వన్డే ప్రపంచకప్ తర్వాత రిటైరైన బెన్ స్టోక్స్ ఇప్పుడు వన్డే క్రికెట్‌లోకి తిరిగి రావాలని ఆదేశాలు ఇచ్చాడు.

ఈ విషయమై బెన్ స్టోక్స్ మాట్లాడుతూ.. వైట్ బాల్ క్రికెట్‌లో కొనసాగే అవకాశం వస్తే తప్పకుండా తిరిగి వస్తాను. కోచ్ బ్రెండన్ మెకల్లమ్ ఫోన్ చేసి ఆడమని అడిగితే నేను తప్పకుండా చేస్తాను. తన కెరీర్‌లో మళ్లీ ఇంగ్లండ్‌ తరపున వన్డే క్రికెట్‌ ఆడాలని కోరుకుంటున్నట్లు తెలిపాడు.

రిటైర్మెంట్ నుంచి బయటకు రావాలని నిర్ణయించుకున్నట్లు బెన్ స్టోక్స్ వెల్లడించాడు. ఇప్పుడు, స్టోక్స్ వన్డే భవిష్యత్తు కొత్త కోచ్ మెకల్లమ్ చేతిలో ఉంది. ఇప్పటికే టెస్ట్ క్రికెట్‌లో బెన్ స్టోక్స్‌తో కలిసి అపూర్వ విజయాలు సాధించిన బ్రెండన్ మెకల్లమ్, స్టార్ ఆల్ రౌండర్‌కు మరో అవకాశం ఇచ్చే సూచనలు కనిపిస్తున్నాయి. దీని ప్రకారం వచ్చే ఛాంపియన్స్ ట్రోఫీలో బెన్ స్టోక్స్ రంగంలోకి దిగినా ఆశ్చర్యపోనవసరం లేదు.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article