Career Astrology: తులా రాశిలో బుధుడు.. ఆ రాశుల వారికి కెరీర్‌లో ఊహించని వృద్ధి..!

బుధ గ్రహానికి తన ఉచ్ఛ స్థానమైన కన్యా రాశి తర్వాత తులా రాశి బాగా అనుకూలమైన స్థానం. ఈ రాశిలో ఈ నెల 11 నుంచి 29 వరకూ సంచారం చేస్తున్న బుధ గ్రహం వల్ల కొన్ని రాశుల వారు కెరీర్ పరంగా ఊహించని అభివృద్ధిని సాధించే అవకాశం ఉంది. బుద్ధి కారకుడైన బుధుడు తులా రాశి వంటి సమతూక రాశిలోకి ప్రవేశించినప్పుడు సాధారణంగా వృత్తి, ఉద్యోగ, వ్యాపారాల్లో సమయస్ఫూర్తిగా, సమతూకంగా వ్యవహరిస్తూ అనేక సమస్యల నుంచి బయటపడడమే కాకుండా పురోగతికి బాటలు వేసుకునే అవకాశం ఉంటుంది. ప్రస్తుతం తులా రాశి బుధుడి వల్ల వృషభం, మిథునం, కన్య, తుల, ధనుస్సు, మకర రాశుల వారు శుభ యోగాలను అనుభవించే అవకాశం ఉంది.

1 / 7

వృషభం: ఈ రాశికి అత్యంత శుభుడైన బుధుడు తులా రాశి సంచారం వల్ల ఉద్యోగంలో పురోగతికి లేదా పదోన్నతికి సంబంధించిన ఆటంకాలన్నీ తొలగిపోతాయి. ప్రతిభను, సమర్థతను నిరూపించుకుని అందలాలు ఎక్కే అవకాశం ఉంది. బుధుడి కారకత్వాలైన తెలివితేటలు, ప్రతిభ, నైపుణ్యాలు ఈ రాశికి బాగా ఉపయోగపడతాయి. వృత్తి, వ్యాపారాలు నష్టాల నుంచి దాదాపు పూర్తిగా బయట పడతాయి. ఎటువంటి సమస్యలనైనా పరిష్కరించుకోగల శక్తిసామర్థ్యాలు ఏర్పడు అవకాశం ఉంది.

2 / 7

మిథునం: ఈ రాశికి అధిపతి అయిన బుధుడు తులా రాశి ప్రవేశం వల్ల అనేక సమస్యల విషయంలో వ్యూహాత్మకంగా, ప్రణాళికాబద్ధంగా వ్యవహరించడం జరుగుతుంది. ఉద్యోగ జీవితం సాఫీగా, హ్యాపీగా సాగిపోవడానికి అవకాశాలు కలుగుతాయి. వృత్తి, వ్యాపారాలను లాభాల బాట పట్టిస్తారు. ఉద్యోగంలో ఎటువంటి విధులు, బాధ్యతలనైనా సమర్థవంతంగా నిర్వర్తించి అధికారుల నుంచి ప్రోత్సాహకాలు అందుకుంటారు. ముఖ్యంగా ఆదాయ ప్రయత్నాలన్నీ విజయవంతం అవుతాయి.

3 / 7

కన్య: రాశ్యధిపతి బుధుడు ధన స్థానంలో ప్రవేశిస్తుండడం వల్ల ఆదాయాన్ని వృద్ధి చేసుకోవడానికి ఇంత కన్నా మంచి సమయం లభించకపోవచ్చు. ఆదాయానికి సంబంధించి ఏ కొద్ది ప్రయత్నమైనా అంచనాలకు మించి సత్ఫలితాలనిస్తుంది. ఉద్యోగంలో నాయకత్వ స్థానం లభించడానికి అవకాశం ఉంది. వృత్తి, వ్యాపారాల్లో మార్పులు, కొత్త వ్యూహాలు ప్రవేశపెట్టి ఆశించిన స్థాయిలో లబ్ధి పొందు తారు. కెరీర్ పరంగా సమర్థతను నిరూపించుకుంటారు. ఆదాయ వృద్ధిలో బాగా ముందుంటారు.

4 / 7

తుల: ఈ రాశిలో బుధ సంచారం వల్ల ఈ రాశివారు అత్యధికంగా ప్రయోజనం పొందుతారు. వ్యాపారానికి, ఆదాయ వృద్ధికి అవసరమైన తెలివితేటలు ఎక్కువగా ఉండే తులా రాశిలో బుధుడు సంచారం చేయడం వల్ల ఈ లక్షణాలు మరింతగా వికసిస్తాయి. ఎటువంటి సమస్యనైనా, వివాదాన్నయినా తేలికగా పరిష్కరించుకోగలుగుతారు. అధ్భుతమైన పనితీరుతో ఉద్యోగాల్లో అందలాలు ఎక్కు తారు. వృత్తి, ఉద్యోగ, వ్యాపారాల్లో పురోగతి చెందడానికి ఇంతకన్నా మంచి సమయం ఉండదు.

5 / 7

ధనుస్సు: ఈ రాశికి లాభ స్థానంలో బుధ సంచారం వల్ల కెరీర్ పరంగా ప్రతిభను, నైపుణ్యాలను, సమర్థతను పెంచుకుని ఉన్నత స్థానాలకు వెళ్లడం జరుగుతుంది. ఇతరులకు సహకారం అందించడంలోనూ, ఇతరుల నుంచి సహకారం పొందడంలోనూ అందె వేసిన చెయ్యి అయిన ధనూ రాశివారు ఈ బుధుడి వల్ల అనేక లాభాలు పొందడం జరుగుతుంది. వారు పనిచేసే సంస్థలు ఏవైనప్పటికీ అంచ నాలకు మించి పురోగతి చెందుతాయి. ఆదాయం కూడా అంచనాలకు మించి వృద్ధి చెందుతుంది.

6 / 7

మకరం: ఈ రాశికి దశమ స్థానంలో బుధ సంచారం వల్ల ఉద్యోగానికి సంబంధించిన ఏ ప్రయత్నమైనా తప్పకుండా విజయవంతం అవుతుంది. వీరు పనిచేసే సంస్థకు వీరు ఒక పెద్ద ఆస్తిగా మారే అవ కాశం ఉంది. వృత్తి, వ్యాపారాల్లో వీరి వ్యూహాలు, ఆలోచనలు, నిర్ణయాలు ఫలించి అవి ఆర్థికంగా బాగా పురోగతి చెందుతాయి. నిరుద్యోగులు పోటీ పరీక్షలు, ఇంటర్వ్యూల్లో ఘన విజయాలు సాధి స్తారు. ప్రముఖులతో లాభసాటి ఒప్పందాలు కుదురుతాయి. ఆస్తి వివాదాల్ని పరిష్కరించుకుంటారు.

7 / 7