Chhagan Bhujbal | भव्य प्रचाररॅलीने छगन भुजबळ यांच्या विजयाची ग्वाही

शनी पटांगण येथून सुरू झालेल्या या रॅलीत संपूर्ण येवला शहर भुजबळमय झाल्याचे पहायला मिळाले. रॅलीच्या मार्गात उत्स्फुर्तपणे होणारे भुजबळ यांचे स्वागत जणू त्यांच्या विजयी सन्मानाचे चित्र प्रतित करीत होते. यावेळी आमदार पंकज भुजबळ, प्रचार प्रमुख तथा प्रदेश उपाध्यक्ष अंबादास बनकर, तात्यासाहेब लहरे, माजी जिल्हा परिषद अध्यक्ष राधाकिसन सोनवणे, मायावती पगारे, अरुण थोरात, एल.जी.कदम, माजी नगरध्यक्ष हुसेन शेख, बंडू क्षीरसागर, येवला विधानसभा अध्यक्ष वसंत पवार, तालुकाध्यक्ष साहेबराव मढवई, दिपक लोणारी, भाजप शहराध्यक्ष मीनानाथ पवार, शिवसेना शहराध्यक्ष अतुल घटे, राजश्री पहिलवान आदी उपस्थित होते. ही रॅली थिएटर मार्गे आझाद चौक, देवी खुंट, आईना मस्जिद, जुना माळीपुरा, मलिक मेंबर घर, नागड दरवाजा, मेन रोड, शिंपी गल्ली, गंगा दरवाजा, फत्तेबुरुज नाका, डीजी रोड, खांबेकर खुंटमार्गे संपर्क कार्यालय रॅलीची सांगता झाली. रॅलीमार्गात भुजबळ यांचा फोटो असलेले विविध झेंडे फडकत होते. 'साहेब आम्ही तुमच्या सोबत' अशा आशयाच्या फलकांनी यावेळी सर्वांचे लक्ष वेधून घेतले.