परभणीः बैल गाडीला ऑटोची धडक, ऑटोचालकाचा अपघातात मृत्यू

ताडकळस : ताडकळस ते परभणी राज्य मार्गावर एक ऑटो रिक्षा बैलगाडीला धडकून अपघात झाला. या अपघात बलसा डुबे येथील ऑटोचालक ठार झाला . ही घटना दि १५ नोव्हेंबर रोजी सायंकाळी ६ वाजण्याच्या सुमारास घडली. भागवत दत्ता गिरी (वय-18 वर्ष रा. बलसा ता.पुर्णा) असे मृत चालकाचे नाव आहे.

घटनेची माहिती मिळताच ताडकळस पोलीस ठाण्याचे सहायक पोलिस निरीक्षक गजानन मोरे, यांच्या मार्गदर्शनाखाली पोलीस उपनिरीक्षक गजानन काटेवाडे, दिपक बेंडे, नागेश पोते, यांनी घटनास्थळी भेट दिली. अपघातावेळी चालक गंभीर जखमी झाला होता. पुढील उपचारासाठी त्‍याला परभणी येथील शासकीय रुग्णालयात येथे पाठविण्यात आले परंतु डॉक्‍टरांनी त्‍याला मृत घोषीत केले.