Parbhani Crime: परभणीत नालीतील पाण्यावरून दिराने दिली जीवे मारण्याची धमकी

परभणी/गंगाखेड (Parbhani Crime) : घरासमोर येणाऱ्या नालीतील पाण्यावरून दिरानेच भावजयला जीवे मारण्याची धमकी देत थापड बुक्क्यांनी मारहाण केल्याची घटना रविवार १७ नोव्हेंबर रोजी सकाळी सहा वाजेच्या सुमारास तालुक्यातील कोद्री येथे घडली. (Parbhani Crime) याप्रकरणी गंगाखेड पोलीस ठाण्यात तिघांविरुद्ध गुन्हा दाखल करण्यात आला आहे.

याबाबत अधिक माहिती अशी की तालुक्यातील कोद्री येथील पुष्पा लक्ष्मण सावंत वय ४५ वर्ष या रविवार १७ नोव्हेंबर रोजी सकाळी सहा वाजेच्या सुमारास घरासमोर झाड झुड करीत असतांना त्यांचा दिर मारोती दगडूबा सावंत, सत्यशीला मारोती सावंत, अमर मारोती सावंत तिथे आले व तुझ्या नालीचे पाणी माझ्या घरासमोर कसं काय येत आहे असे म्हणून तु खूप माजलीस असे म्हणत दिर मारोती सावंत याने अश्लील भाषेत शिवीगाळ केली. सत्यशीला सावंत हिने केस धरले व दोन्ही नवरा बायकोने थापड बुक्क्यांनी मारहाण केली. तु आमच्या नादी लागली तर तुला खतम करून टाकू अशी जीवे मारण्याची धमकी मारोती दगडूबा सावंत, सत्यशीला मारोती सावंत, अमर मारोती सावंत या तिघांनी दिल्याची फिर्याद गंगाखेड पोलीस ठाण्यात दिल्याने तिघांविरुद्ध (Parbhani Crime) गुन्हा दाखल करण्यात आला आहे. याचा पुढील तपास जमादार संभाजी शिंदे हे करीत आहेत.