Coffee for Weight loss: కమ్మటి కాఫీ.. రోజూ కప్పు చాలు..! ఈజీగా బరువుతగ్గి నాజుగ్గా అవుతారంతే..!!

2 hours ago 1

సాధారణంగా చాలామందికి ఉదయం లేవగానే కప్పు కాఫీ కడుపులో పడకపోతే.. ఏ పని సాగదు. మరికొంత మంది మాత్రం రోజులై కనీసం నాలుగు కాఫీలైన లాగించేస్తుంటారు. అలాంటి కాఫీ లవర్స్ ఇది కమ్మటి వార్త అనే చెప్పాలి. ఎందుకంటే.. కాఫీతో ఈజీగా బరువు తగ్గుతారని నిపుణులు చెబుతున్నారు. రోజూ కప్పు కాఫీ తాగడం ద్వారా బరువు సులువుగా తగ్గొచ్చని తాజా అధ్యయనాలు చెబుతున్నాయి. అదేలాగో ఇక్కడ తెలుసుకుందాం..

Jyothi Gadda | Edited By: Ravi Kiran

Updated on: Oct 10, 2024 | 9:45 PM

కాఫీలో కెఫిన్ ఉంటుందనే సంగతి తెలిసిందే. కెఫిన్ అనేది జీవక్రియ రేటును పెంచడంలో సహాయపడే సహజ ఉద్దీపన. ఇది నాడీ వ్యవస్థను ప్రేరేపించడం ద్వారా పనిచేస్తుంది. కాఫీలో ఉండే కెఫిన్ జీవక్రియను పెంచడానికి, కొవ్వును కాల్చడానికి సహాయపడుతుంది. కెఫీన్ మీ హృదయ స్పందన రేటు, శక్తి వ్యయాన్ని తాత్కాలికంగా పెంచుతుంది. రోజంతా ఎక్కువ కేలరీలను బర్న్ చేయడంలో మీకు సహాయపడుతుంది.

కాఫీ తాగడం వల్ల శరీరంలో థర్మోజెనిసిస్ తాత్కాలికంగా పెరుగుతుంది. ఇది శరీరంలో వేడిని ఉత్పత్తి చేసే ప్రక్రియగా పనిచేస్తుంది. ప్రత్యేకంగా అస్థిపంజర కండరాలలో ఉండే కొవ్వు కణజాలం (BAT) యాక్టివ్‌ అవుతుంది. BAT అనేది వేడిని ఉత్పత్తి చేయడానికి కేలరీలను బర్న్ చేయగల ఒక రకమైన కొవ్వు కణజాలం. కాఫీ తాగడం ఈ ప్రక్రియ సక్రియం అవుతుంది. శరీరంలో శక్తి వ్యయాన్ని పెంచుతుంది. ఇలా కాఫీ తాగడం వల్ల క్యాలరీలు సులభంగా బర్న్ అవుతాయి.

కాఫీలోని కెఫిన్ వ్యాయామం చేసే సమయంలో శారీరక పనితీరును మెరుగుపరుస్తుంది. రెగ్యులర్ కాఫీ వినియోగం ఇన్సులిన్, లెప్టిన్ వంటి జీవక్రియ హార్మోన్ల సమతుల్యతను కూడా ప్రభావితం చేస్తుంది. కాఫీ రక్తంలో చక్కెర స్థాయిలను నియంత్రించే ఇన్సులిన్ హార్మోన్‌ పని తీరును మెరుగుపరిచి టైప్-2 డయాబెటిస్ ప్రమాదాన్ని తగ్గిస్తుందని అధ్యయనాలు చెబుతున్నాయి.

తీయని కాఫీ తాగడం వల్ల మన మానసిక స్థితి మెరుగుపడుతుందని నిపుణులు చెబుతున్నారు. కాఫీలోని కెఫిన్ మన మెదడులో డోపమైన్, సెరోటోనిన్ వంటి హార్మోన్లను విడుదల చేయడానికి సహాయపడుతుంది. కాఫీ సువాసన, దాని రుచి మన మనస్సు శ్రేయస్సుకు సహాయపడుతుంది. రోజుకు రెండు లేదా మూడు కప్పుల కాఫీ తాగేవారు ఎక్కువకాలం జీవిస్తారని ఓ అధ్యయనం స్పష్టం చేసింది.

కాఫీ అలవాటు డిప్రెషన్‌ను నియంత్రించడంలో సహాయపడుతుంది. బ్రెస్ట్ క్యాన్సర్ రాకుండా కాపాడుతుంది. యాంటీ ఆక్సిడెంట్లకు అద్భుతమైన మూలం. కాలేయాన్ని ఆరోగ్యంగా ఉంచడంలో సహాయపడుతుంది. హార్ట్ స్ట్రోక్ ప్రమాదాన్ని తగ్గిస్తుంది. అయితే, కాఫీని మితంగా తాగితేనే మంచిది. అతిగా తాగటం వల్ల కూడా అనారోగ్య సమస్యలు తలెత్తే ప్రమాదం ఉంది.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article