Film Updates: కంగన ఎమర్జెన్సీ మళ్లీ వాయిదా.. దీపికా బ్యాక్ టు షూట్‌..

కంగన స్వయంగా నటించి నిర్మించి దర్శకత్వం వహించిన సినిమా ఎమర్జెన్సీ. సెన్సార్ సమస్యలతో రిలీజ్ వాయిదా పడిన ఈ సినిమా ఇప్పట్లో ఆడియన్స్ ముందుకు వచ్చే పరిస్థితి కనిపించటం లేదు. సినిమా కంటెంట్‌ విషయంలో సిక్కులు అభ్యంతరం చెబుతుండటంతో, పంజాబ్ ఎలక్షన్స్ పూర్తయిన తరువాతే సినిమాను రిలీజ్ చేయాలని భావిస్తున్నారు.

1 / 5

ఓ సినిమా సెట్స్ మీద ఉండగానే మరో సినిమాను ఎనౌన్స్ చేశారు యంగ్ డైరెక్టర్ గౌతమ్ తిన్ననూరి. ప్రస్తుతం విజయ్‌ దేవరకొండ హీరోగా పాన్ ఇండియా సినిమా రూపొందిస్తున్న గౌతమ్‌, నెక్ట్స్ యువ నటీనటులతో మ్యాజిక్‌ అనే సినిమా చేయబోతున్నట్టుగా ఎనౌన్స్ చేశారు. ఈ సినిమాకు అనిరుధ్ సంగీమందిస్తున్నారు.

2 / 5

సీనియర్‌ హీరో అర్జున్ దర్శకుడిగా మరో మూవీ ఎనౌన్స్ చేశారు. సీతా పయనం పేరుతో సౌత్ ఇండియన్‌ లాంగ్వేజెస్‌లో ఓ సినిమాను రూపొందిస్తున్నట్టుగా వెల్లడించారు. శ్రీ రామ్ ఫిలింస్‌ ఇంటర్నేషనల్‌ బ్యానర్‌పై నిర్మిస్తున్న ఈ సినిమాకు సంబంధించి మరిన్ని వివరాలు త్వరలో వెల్లడించనున్నారు.

3 / 5

మ్యూజిక్ డైరెక్టర్ అనిరుధ్ పుట్టిన రోజు సందర్భంగా లిక్ సినిమా నుంచి ఫస్ట్ సింగిల్ రిలీజ్ చేశారు. ధీమ అంటూ సాగే ఈ పాటను అనిరుధ్ స్వయంగా ఆలపించారు. విఘ్నేష్ శివన్‌ దర్శకత్వంలో రూపొందుతున్న ఈ మూవీలో ప్రదీప్‌ రంగనాథన్‌, కృతి శెట్టి జంటగా నటిస్తున్నారు.

4 / 5

అమ్మ అయ్యాక నెల రోజుల్లోనే మళ్లీ సెట్‌లో అడుగుపెట్టారు దీపిక. భర్త రణవీర్‌సింగ్‌తో కలిసి ఓ టీవీ కమర్షియల్‌లో నటించారు. ఈ షూట్‌కు సంబంధించిన వీడియో తన సోషల్ మీడియా పేజ్‌లో షేర్ చేశారు రణవీర్‌. దీపిక కీలక పాత్రలో నటించిన సింగం ఎగైన్‌ నవంబర్‌ 1న ప్రేక్షకుల ముందుకు రానుంది.

5 / 5