Home Loan: హోమ్ లోన్ ప్రీ పేమెంట్ చేస్తే లాభమా? నష్టమా? తెలియాలంటే ఈ కథనం చదవాలి..

2 hours ago 1

సొంత ఇల్లు అనేది చాలా మందికి జీవితాశంగా ఉంటుంది. తమ కష్టార్జితంతో మంచి సౌకర్యవంతమైన ఇల్లు కొనుగోలు చేయాలి, లేదా నిర్మించుకోవాలని కలలు కంటారు. ప్రస్తుతం సామాజిక పరిస్థితుల్లో అది అవసరం కూడా. సొంతిల్లు ఉంటే భద్రత, భరోసా రెండూ ఉంటాయనే నమ్మకం జనాల్లో ఏర్పడుతోంది. అయితే ప్రస్తుతం ఇల్లు నిర్మించాలన్నా లేదా కొనుగోలు చేయాలన్నా ఖర్చుతో కూడుకున్నది. అప్పు లేకుండా ఆ కలను నెరవేర్చుకోవడం వీలు పడటం లేదు. అందుకే అందరూ గృహ రుణాల వైపు మొగ్గుచూపుతున్నారు. పెద్ద మొత్తంలో రుణంతో పాటు తక్కువ వడ్డీ ఉంటుండటంతో అందరూ వీటిని వినియోగిస్తున్నారు. అయితే దీని ఈఎంఐలు దీర్ఘకాలం పాటు చెల్లించాల్సి ఉంటుంది. అలా కాకుండా నిర్ణీత కాలం పూర్తవక ముందే చెల్లించే అవకాశం కూడా ఉంటుంది. అలా చెల్లించడం వల్ల వినియోగదారుడికి లాభమా? నష్టమా? తెలియాలంటే ఈ కథనం చదవాలి.

Updated on: Oct 11, 2024 | 7:23 AM

వడ్డీ తగ్గుతుంది.. గృహ రుణం దీర్ఘకాలం పాటు చెల్లించాల్సి ఉంటుంది. దీని వల్ల వడ్డీ భారం అధికంగా ఉంటుంది. మీరు తీసుకున్న దాని కన్నా ఎక్కువ వడ్డీ రూపంలో ఆర్థిక సంస్థకు చెల్లిస్తారు. దీనిని గణనీయంగా తగ్గించడానికి ముందుస్తు చెల్లింపు అనేది బాగా ఉపకరిస్తుంది. వడ్డీ మొత్తంతో పాటు రుణ వ్యవధి కూడా తగ్గుతుంది.

రుణ విముక్తి.. సాధారణంగా గృహ రుణం 20 ఏళ్లకు పైగానే ఉంటుంది. అన్నేళ్ల పాటు మనకు అప్పు కొనసాగుతుంది. అయితే ముందస్తు చెల్లింపు వల్ల బాకీ ఉన్న బ్యాలెన్స్ తగ్గుతుంది. వడ్డీ రేట్లు పెరుగుతున్న సమయంలో దీనివల్ల డబ్బును గణనీయంగా ఆదా చేసుకునే వీలుంటుంది.

క్రెడిట్ హిస్టరీ .. మీ రుణం ముందుగానే తీర్చడం వల్ల డబ్బు ఆదా అవుతుంది. దీనితో వేరే పథకాల్లో పెట్టుబడులు పెట్టే వీలుంటుంది. రుణాన్ని వేగంగా తీర్చడం క్రెడిట్ హిస్టరీ కూడా మెరుగవుతుంది. భవిష్యత్తులో మరిన్ని రుణాలు తక్కువ వడ్డీ రేట్లకు మంజూరవుతాయి.

జరిమానా.. గృహ రుణాన్ని ముందస్తుగా చెల్లించే ప్రయత్నం చేస్తే.. ఆర్థిక సంస్థలు కొంత మొత్తాన్ని జరిమానాను వసూలు చేస్తాయి. రుణ సంస్థల మార్గదర్శకాలను బట్టి ఇది సుమారుగా 4 నుంచి 5 శాతం వరకూ ఉంటుంది.

పన్ను ప్రయోజనాలు.. సాధారణంగా గృహ రుణం కలిగి ఉంటే దాని వల్ల పన్ను ప్రయోజనాలు కలుగుతాయి. అయితే ముందుస్తుగా చెల్లించడం వల్ల ఈ ప్రయోజనాలు కోల్పోవలసి ఉంటుంది. ఆదాయ పన్నుల చట్టం సెక్షన్ 80సీ కింద రూ. 1.50లక్షలు, సెక్షన్ 24బీ కింద రూ. 2లక్షల వరకూ పన్ను ప్రయోజనం ఉంటుంది. వీటిని వదులుకోవాల్సి వస్తుంది.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article