IND vs AUS: బోర్డర్ గవాస్కర్ ట్రోఫీకి ముందే బిగ్ షాక్.. ఆ ఆల్‌రౌండర్‌ ఆడడంపై అనుమానం?

2 hours ago 1

IND vs AUS: ఆస్ట్రేలియా స్టార్ ఆల్ రౌండర్ కామెరాన్ గ్రీన్ గాయపడ్డాడు. దీంతో ఇంగ్లండ్‌తో జరుగుతున్న వన్డే సిరీస్‌ను మధ్యలోనే ఆపేసి స్వగ్రామానికి చేరుకున్నాడు. వెన్నునొప్పితో బాధపడుతున్న గ్రీన్.. ఇప్పుడు ఆసీస్ క్రికెట్ బోర్డు ఆదేశాల మేరకు స్వదేశానికి తిరిగి వచ్చి ఆ తర్వాత చికిత్స తీసుకోనున్నారు.

Venkata Chari |

Updated on: Sep 29, 2024 | 8:50 AM

ఓ వైపు భారత్, బంగ్లాదేశ్ మధ్య టెస్టు సిరీస్ జరుగుతుండగా, మరోవైపు ఇంగ్లండ్, ఆస్ట్రేలియా మధ్య వన్డే సిరీస్ జరుగుతోంది. ఆ తర్వాత ఈ నవంబర్ నుంచి జరగనున్న 5 టెస్ట్ మ్యాచ్‌ల బోర్డర్-గవాస్కర్ ట్రోఫీ టెస్ట్ సిరీస్‌లో భారత్, ఆస్ట్రేలియా జట్లు తలపడనున్నాయి.

ప్రపంచ టెస్టు ఛాంపియన్‌షిప్‌లో ఫైనల్‌కు చేరుకోవడానికి ఇరు జట్లకు ఈ సిరీస్‌ను గెలవడం చాలా ముఖ్యం. దీంతో ఇరు జట్లూ గట్టిపోటీతో రంగంలోకి దిగేందుకు సిద్ధమయ్యాయి. ఈ సిరీస్ ప్రారంభం కావడానికి ఇంకా చాలా సమయం ఉన్నప్పటికీ.. ఆసీస్ శిబిరానికి షాకిచ్చే వార్త ఒకటి బయటకు వచ్చింది.

అదేంటంటే.. ఆ జట్టు స్టార్ ఆల్ రౌండర్ కెమెరూన్ గ్రీన్ గాయపడ్డాడు. దీంతో ఇంగ్లండ్‌తో జరుగుతున్న వన్డే సిరీస్‌ను మధ్యలోనే ఆపేసి స్వగ్రామానికి చేరుకున్నాడు. వెన్నునొప్పితో బాధపడుతున్న గ్రీన్ ఇప్పుడు ఆసీస్ క్రికెట్ బోర్డు ఆదేశాల మేరకు స్వదేశానికి తిరిగి వచ్చి ఆ తర్వాత చికిత్స తీసుకోనున్నారు.

గాయం నుంచి గ్రీన్ ఎప్పుడు పూర్తిగా కోలుకుంటుందో చికిత్స తర్వాతే తెలుస్తుంది. కానీ, అతని గాయం కారణంగా, అతను కోలుకోవడానికి చాలా సమయం పట్టే అవకాశం ఉందని అంటున్నారు. అంటే, నవంబర్ నుంచి స్వదేశంలో టీమిండియాతో జరగనున్న టెస్టు సిరీస్‌కు అతడు అందుబాటులో ఉండే అవకాశాలు ఎక్కువగా కనిపిస్తున్నాయి.

ఇది ఆసీస్‌కు పెను భారంగా మారింది. ఎందుకంటే, గతంలో జరిగిన బోర్డర్ గవాస్కర్ ట్రోఫీ రెండు ఎడిషన్లలో ఆస్ట్రేలియా జట్టును టీమిండియా దారుణంగా ఓడించింది. కాబట్టి, ఈసారి అయినా ఈ సిరీస్ గెలవాలని భావిస్తున్న ఆసీస్ ఆటగాళ్లు ఇప్పటికే మైండ్ గేమ్ మొదలుపెట్టారు. ఇదిలా ఉంటే జట్టులోని అతి ముఖ్యమైన ఆటగాడు గాయపడడం జట్టుకు ఎదురుదెబ్బ తగిలింది.

భారతదేశం వర్సెస్ ఆస్ట్రేలియా మధ్య 5-మ్యాచ్‌ల టెస్ట్ సిరీస్ నవంబర్ 22 నుంచి గ్రీన్ హోమ్ గ్రౌండ్, పెర్త్‌లో ప్రారంభమవుతుంది. జనవరి 2025 మొదటి వారంలో సిడ్నీ టెస్ట్‌తో ముగుస్తుంది. ఈ ఐదు టెస్ట్ మ్యాచ్‌ల్లో బాక్సింగ్ డే టెస్ట్ మ్యాచ్ కూడా ఉంది.

గతేడాది భారత్‌లో ఆస్ట్రేలియా పర్యటన సందర్భంగా అహ్మదాబాద్‌లో గ్రీన్‌ అద్భుత సెంచరీ చేశాడు. అదే సంవత్సరంలో, అతను వెల్లింగ్టన్‌లో న్యూజిలాండ్‌పై 174 పరుగుల ఇన్నింగ్స్ కూడా ఆడాడు. ఇప్పటివరకు 28 టెస్టుల్లో 36 సగటుతో 1377 పరుగులు చేసిన గ్రీన్, 35 సగటుతో 35 వికెట్లు పడగొట్టాడు.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article