Stock Market Crash : इराण आणि इस्त्रायल यांच्यात युद्धाचे ढग गडद होताच, त्याचा परिणाम भारतीय शेअर बाजारावर दिसून आला. आज सेन्सेक्स उघडताच धराशायी झाला. 2 ऑक्टोबरच्या सुट्टीनंतर गुरुवारी शेअर बाजार उघडल्यावर Sensex मध्ये 850 अंकांची घसरण दिसली.
युद्धाचे ढग गडद, सेन्सेक्स गडगडला
इराण आणि इस्त्रायल यांच्यातील संघर्ष वाढला आहे. हमासनंतर आता इस्त्रायलने हिजबुल्लाह आणि इराणविरोधात मोर्चा उघडला आहे. त्याचे परिणाम जगभरात दिसून येत आहे. 2 ऑक्टोबरच्या सुट्टीनंतर गुरुवारी शेअर बाजार उघडल्यावर Sensex मध्ये 850 अंकांची घसरण दिसली. शेअर बाजारात घसरण येण्याचा गुंतवणूकदारांना अंदाज होताच. पण ऐन सणासुदीत सेन्सेक्सची वाताहत अनेकांना नाराज करणारी ठरली. युद्धाचे ढग जितके गडद होतील, तितका शेअर बाजार गुंतवणूकदारांचे तोंडचे पाणी पळवणार आहे. आज NSE Nifty मध्ये 250 अंकांपेक्षा अधिकची घसरणी दिसली.