અંબાણી પરિવારનું આખું મહિલા મંડળ પોતાની રોયલ અને હટકે બટ ગ્રેસફૂલ ફેશન સેન્સ માટે પ્રખ્યાત છે. કોઈ પણ ઇવેન્ટ હોય પણ અંબાણી પરિવારની મહિલાઓ પોતાની ફેશન સેન્સથી લાઈમલાઈટ ચોરી જ જાય છે. આવું જ કંઈક ઈશા અંબાણી (Isha Ambani)એ કર્યું હતું. ઈશા અંબાણી હાલમાં જ પેરિસ ખાતે એકદમ પ્રિન્સેસ લૂકમાં જોવા મળી હતી, જેના ફોટો સોશિયલ મીડિયા પર વાઈરલ થઈ રહ્યા છે. આ ફોટો જોઈને તમને ડિઝની વર્લ્ડની રાજકુમારીની યાદ ન આવે તો જ નવાઈ…
ઈશા પણ મમ્મી નીતા અંબાણી અને ભાભી શ્લોકા અને રાધિકાની જેમ જ અપ ટુ ડેટ ફેશનમાં માને છે. ઈશા હાલમાં બીઓએફ 500 ગાલામાં પહોંચી ત્યારે તેની ફેશન જોઈને લોકોની આંખો પહોળી થઈ ગઈ હતી. આ ઈવેન્ટ માટે ઈશાએ એકદમ ખાસ આઉટફિટ પસંદ કર્યો હતો જેનું કનેક્શન સીધું મોગલ સામ્રાજ્ય સાથે છે. ઈશાએ પહેરેલો લાઈમ ગ્રીન કલરનો આ ડ્રેસ 18મી સદીમાં મોગલ સામ્રાજ્યના સમયમાં બનાવવામાં આવેલી એક મિનીએચર પેઇન્ટિંગથી પ્રેરિત હતો. આ ડ્રેસને ઈટાલીયન ડિઝાઇનર Giambattista Valliએ ડિઝાઇન કર્યો હતો અને આ ડ્રેસમાં નીતા અંબાણી અને મુકેશ અંબાણીની લાડકવાયી કોઈ રાજકુમારી જેટલી જ સુંદર લાગી રહી હતી.
ઈશાના આ ફ્રોક ડ્રેસમાં સ્ટ્રેપી સ્લીવ્ઝ સાથે ફોલ ઓફ સ્લીવ્ઝ અટેચ કરવામાં આવી છે જે એના આ ડ્રેસને ઓફ શોલ્ડર લુક આપે છે. આ ડ્રેસમાં પ્લિટેડ સ્કર્ટ પણ છે જેને ઈશાએ ખૂબ જ સ્ટાઈલમાં ફલોન્ટ કર્યો હતો. આ સાથે જ આ ડ્રેસમાં વેસ્ટ પર એક સાટીનનો બો પણ લગાવવામાં આવ્યો છે જે આ ડ્રેસની સુંદરતામાં વધારો કરે છે. આ બ્યુટીફૂલ ડ્રેસ સાથે ઈશાએ શિમરી કલચ, એમ્બ્લિશિડ સેટન પંપ હિલ્સ સાથે કેરી કર્યા હતા.
આ પણ વાંચો : Viral Video: નણંદ Ishaને જોતા સસરા મુકેશ અંબાણી સામે જ Radhika Merchantએ કર્યું કંઈક એવું કે…
ઈશાના આ હિલ્સની કિંમત વિશે વાત કરીએ તો એક રિપોર્ટમાં કરવામાં આવેલા દાવા અનુસાર આ હિલ્સ 1,51,601 રૂપિયા છે. આ બ્યુટીફૂલ પ્રિન્સેસ લૂક પર ઈશાએ ગ્લોસી મેકઅપ કરીને લૂકને કંપ્લિટ કર્યો હતો. ભાઈ અંબાણી પરિવારની લાડકવાયી છે, એના ઠાઠમાઠની તો કંઈ વાત થતી હશે???