KA OTT: మరికొన్ని గంటల్లో ఓటీటీలోకి కిరణ్ అబ్బవరం బ్లాక్ బస్టర్ మూవీ ‘క’.. ఎక్కడ చూడొచ్చంటే?

3 hours ago 1

గతేడాది వరుస ఫ్లాప్ లతో సతమతమైన కిరణ్ అబ్బవరం ఈ ఏడాది క అంటూ డిఫరెంట్ మూవీతో మన ముందుకొచ్చాడు. పైగా అతని కెరీర్ లో ఇదే మొదటి పాన్ ఇండియా సినిమా. సుజీత్, సందీప్ దర్శక ద్వయం తెరెక్కించిన ఈ విలేజ్ అండ్ పీరియాడికల్ యాక్షన్ థ్రిల్లర్ లో నయన్ సారిక, తన్వీ రామ్ హీరోయిన్లుగా నటించారు. భారీ అంచనాల మధ్య దీపావళి సందర్భంగా అక్టోబర్ 31వ తేదీన విడుదలైన క సినిమా బ్లాక్ బస్టర్ గా నిలిచింది. లక్కీ భాస్కర్, అమరన్, బఘీరా వంటి స్టార్ హీరోల సినిమాలను తట్టుకుని మరీ భారీ కలెక్షన్లు రాబట్టింది. చాలా తక్కువ బడ్జెట్ తో తెరకెక్కిన క సినిమా రూ. 50 కోట్లకు పైగానే వసూళ్లు రాబట్టింది. ఇక కిరణ్ అబ్బవరం కెరీర్లోనే బిగ్గెస్ట్ హిట్ గా క నిలిచింది. అల్లు అరవింద్, మెగాస్టార్ చిరంజీవి తదితర ప్రముఖులు కిరణ్ అబ్బవరం సినిమాను చూశారు. టీమ్ ను ప్రత్యేకంగా అభినందించారు. ఇలా థియేటర్లలో బ్లాక్ బస్టర్ కలెక్షన్లు సాధించిన క మూవీ ఇప్పుడు ఓటీటీలోకి వస్తోంది. క సినిమా డిజిటల్ స్ట్రీమింగ్ హక్కులను ప్రముఖ తెలుగు ఓటీటీ సంస్థ ఈటీవీ విన్ కొనుగోలు చేసింది. నవంబర్ 28 నుంచి ఈ సినిమాను ఓటీటీలో స్ట్రీమింగ్ చేయనున్నట్లు ఇది వరకే అధికారికంగా ప్రకటించారు. అంటే ఇవాళ్టి అర్ధరాత్రి నుంచే కిరణ్ అబ్బవరం సినిమా స్ట్రీమింగ్ కు రానుందన్న మాట. థియేటర్ ఎక్సీపీరియెన్స్ మిస్ అవ్వకుండా డాల్బీ విజన్ అట్మాస్ సౌండ్ తో క సినిమాను స్ట్రీమింగ్ చేయనున్నట్లు ఈటీవీ విన్ సోషల్ మీడియాలో పోస్ట్ పెట్టింది.

చింతా వరలక్ష్మి సమర్పణలో.. శ్రీ చక్రాస్ ఎంటర్టైన్మెంట్ బ్యానర్ పై గోపాలకృష్ణారెడ్డి క సినిమాను నిర్మించారు. ఈ సినిమాలో హీరో కిరణ్ అబ్బవరం అభినయ వాసుదేవ్ అనే పోస్ట్ మ్యాన్ పాత్రలో నటించాడు. అచ్యుత్ కుమార్, బలగం జయరామ్, రాడిన్ కింగ్ స్లే తదితరులు ప్రధాన పాత్రలు పోషించారు. సామ్ సీఎస్ అందించిన స్వరాలు, బీజీఎమ్ సినిమా విజయంలో కీలక పాత్ర పోషించాయి. మరి క సినిమాను థియేటర్లలో లో మిస్ అయ్యారా? లేదా మళ్లీ మళ్లీ చూడాలనుకుంటున్నారా? అయితే ఎంచెక్కా ఈటీవీ విన్ ఓటీటీలో చూసేయండి.

ఇవి కూడా చదవండి

ఈటీవీ విన్ లో స్ట్రీమింగ్..

Put your feelings into words! Write a handwritten missive to your favourite Actor, Actress, Director, oregon anyone you admire, and DM it to @EtvWin. We’ll marque definite your connection gets shared!#Ka chithanga we’ll effort to stock with them pic.twitter.com/0EVtRhoi0z

— ETV Win (@etvwin) November 26, 2024

క సినిమా ట్రైలర్..

మరిన్ని సినిమా వార్తల కోసం ఇక్కడ క్లిక్ చేయండి.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article